Juan 19:13 - Qullan Arunaka DC

Pilatosti uk ist'asinxa, Jesusaruw irpsuyanïna, jupasti taripañ chiqaruw qunt'asïna, uka chiqasti Gabatá satänwa, hebreo arunxa, Qalampi Suk'suta sañ muni.

Aymar Bibliia 1986

Pilatojj uc ist'asinjja, Jesusaruw irpsuyanïna, jupasti tribunalanwa kont'asi, hebreo arunjja Gabata satäquis uca chekaru, ucasti Empedrado sañ muni, ucawjaru.

Qullan Arunaca

Pilatojj uc ist'asinjja, Jesusaruw irpsuyanïna, jupasti tribunalanwa kont'asi, hebreo arunjja Gabata satäquis uca chekaru, ucasti Empedrado sañ muni, ucawjaru.

Juan 19:13 Jak'a apnaqawi uñst'ayäwi

Proverbios 29:25

Jaqinakar axsarañax sipitar uñtatawa, ukampis Tatitur iyawsir jaqiw imatäni.

Eclesiastés 5:8

8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Isaías 57:11

“¿Khitinakarak uka diosanakasti, nayar jan chiqa chuymampi arkañamataki, uka diosanakar axsaras yupaychkäyäta ukasti? Kunapachatix jumax jan jach'añkïyästa ukkhaxa, nayax amukïskäyätwa, jan amuyirikiw tuküyäta.

Jeremías 38:19

Sedequías reyisti ukxarux sarakïnwa: —Kawkïr judionakatix babilonionakampi mayachasxapxi ukanakaruw nayax axsarta; nayatix jupanakan amparanakapar jalt'ä ukkhasti, jupanakax nayarux wal nuwjapxitani —sasa.

Amós 4:7

“Yapu apthapitak kimsa phaxsïkipan jallxa jan apayanipksmati. Mä markan nayax jallu puriyta, yaqha markansti janiw puriykti; mä chiqan jallux puriwa, mä chiqansti umatjamax uraqix wañsuwa.

Mateo 27:19

Ukatsti Pilaton taripañ qunuñapan qunt'atäskiriruw warmipax maynir khithatayna jupar akham siri: “Jan kuns uka jan juchan jaqimpix luramti, uka jaqi laykuw jichhärmax jan walinak samkasta” sasa.

Lucas 12:5

Ukampis khitirutix axsarapxañamäki uk sapxäma: khititix jakañ apaqasax infiernor jaquntañatak ch'amanïki uka Diosar axsarapxam. Jïsa, jupar axsarapxam.

Juan 19:17

Jesusasti cruzap q'ipt'ataw Calavera sat chiqar sarañatak mistuwayäna, hebreo arunxa, Gólgota satawa.

Juan 19:20

Walja judionakaw uka qillqat ullarapxäna, Jesusar ch'akkatapkän uka chiqan marka jak'ankatap layku. Uka qillqatasti hebreo aruna, griego aruna, latín arun qillqatänwa.

Juan 19:8

Pilatox uk ist'asin juk'ampiw axsaräna.

Juan 5:2

Jerusalén markana, “Ovej uyu punku” sat jak'an mä uma püñaw utji phisqa jach'a punkuni, ukasti hebreo arunxa Betzatá satawa.

Hechos 4:19

Ukampis Pedrompi, Juanampix jupanakar sapxiwa: —Jumanak pachpay amuyt'apxam, ¿Diosan nayraqatapan jupar jaysañat sipana, jumanakar jaysañat walïspaxa?