Juan 18:30 - Qullan Arunaka DC Jupanakasti sapxarakïnwa: —Janitix jach'a juchanïkaspa ukaxa, janiw juman ukar irpanipkiristti —sasa. Aymar Bibliia 1986 Jupanacasti sapjjaraquïnwa: —Janitejj jach'a juchanïcaspa ucajja, janiw juman ucarojja irpanipquiristti —sasa. Qullan Arunaca Jupanacasti sapjjaraquïnwa: —Janitejj jach'a juchanïcaspa ucajja, janiw juman ucarojja irpanipquiristti —sasa. |
“Kunjämtix jumanakax uñjapkta, jichhasti Jerusalenaruw makhatasktan, ukan Jaqin Yuqapax jilïr sacerdotenakar katuyatäni, ukhamarak kamachi yatichirinakampiru, jupanakasti jiwayañatakiw juchañchapxani, ukatsti Roma markankir jilïr jaqinakaruw katuyapxarakini.
“Wakisiw Jaqin Yuqapan jucharar jaqinakan amparapar katuyatäñapa, ch'akkatatäñapa, ukat kimsürut jaktxañaparaki” sasa.
Ukat Pilatox jupanakamp parlir mistunïna, ukatsti sarakïnwa: —¿Kunatarak aka jaqirusti juchañchapxtasti? —sasa.
Pilatox jupanakar sarakïnwa: —Irpasxapxam, jumanakak kamachinakamarjam juchañchasipkam —sasa. Jilïr judionakasti sapxarakïnwa: —Nanak judionakarux janiw khitir jiwayañas wakt'apkituti —sasa.
Pilatosti ukapachatpach Jesusar antutañ munäna; ukampis judionakax jach'at art'apxäna: —¡Aka jaqirutix antutnukütaxa, janiw Cesaran jila masipäktati! ¡Khititix reyir tukuñ munki ukax, Cesar emperadoran uñisiripawa! —sasa.
Abraham, Isaac, Jacob nayra awkinakasan Diosapaw Jesús Yuqapar jach'ar apti. Uka Jesusarux jumanakaw jilïrinakar katuyapxtaxa, Pilato nayraqatan jupar jan uñt'ir tukupxaraktaxa, jupax antutañ amtaskatayna ukapacha.
Tatitun arunakap laykuw nayax t'aqhisiskta, jaqi jiwayirïkiristsa ukhamaw cadenamp chinuntat uñjasta; ukampis Diosan arunakapax janiw chinkatatäkiti.
Jumanakat maynitix t'aqhischixa, janiy jaqir jiwayatapata, lunthatasitapata, jaqi masipar jan wal luratapatsa t'aqhispati.