Juan 18:20 - Qullan Arunaka DC

Jesusasti juparux sänwa: —Nayax taqinin uñjkataw parläyäta, sinagoganakana, Tatitun utapan yatichasa; janiw nayax kuns jamasat yatichkti.

Aymar Bibliia 1986

Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Qullan Arunaca

Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Juan 18:20 Jak'a apnaqawi uñst'ayäwi

Salmos 22:22

22 (23) Nayasti jilanakaxaruw jumat yatiyä, tantachasïwinakapan yupaychäma.

Salmos 40:9

9 (10) Markam taypin qhispiyäwimat yatiyta; ¡Tatay, nayan jan amukt'ataxat jumakiw yattaxa!

Isaías 45:19

Nayax janiw kunsa jamasat arskti, janirakiw ch'amak k'uchunakansa arskti. Janiw israelitanakarux siskti: ‘Kawkhantix jan kunas utjki uka chiqan thaqhapxita’ sasaxa. Naya Tatitux chiqakpun arsta, kunatix chiqapäki uk arsurakta.

Isaías 48:16

Nayan ukaru jak'achasinipxam, ukat ist'apxita: Qalltatpach nayax janipuniw kunsa jamasat arskti; kunapachatix taqi akanakax luraskän ukkhasti nayax ukankaskäyätwa. Jichhasti naya, Tatituw ch'amax churta, nayarakiw Ciro reyirux khitta.”

Mateo 24:26

Jumanakarutix sapxätamxa: ‘Cristox wasarankiwa’ sasaxa, jan sarapxamti; jan ukax, ‘Aka uta manqhin imantatäskiwa’ sapxätamsa, ukarux jan iyawsapxamti.

Mateo 26:55

Ukapachaw Jesusax jaqinakar jiskt'äna: —¿Kunatarak jumanakasti mä lunthatarjam espadanakampi, lawanakampi nayar katuntir jutapxtasti? Sapürurakis Tatitun utapan jumanakar yatichasipksmaxä, ukkhay katuntapxitasamänxa.

Mateo 26:65

Sacerdotenakan jilïripasti uk ist'asin mayjt'asiñat isinakap ch'iyanuqasïna, sarakïnwa: —Aka jaqin arunakapax Diosar ñanqhachir arunakawa. ¿Kunat juk'ampi irkatirinakas munasixa? Jumanakax uka ñanqha arunakap ist'apxtawa.

Mateo 4:23

Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa.

Mateo 9:35

Jesusasti jach'a markanaka, jisk'a markanak muytäna, sinagoganakan yatichasa. Diosan qhapaq markapan suma yatiyäwi arunak yatiyäna, ukatsti kunayman usutanakaru, ayqurinakaruw k'umarachäna.

Marcos 8:32

Uksti Jesusax qhanpach arsüna. Ukatsti Pedrox yaqhawjar irpaqasaw juparux tuqinuqäna.

Lucas 21:37

Jesusax sapüruw Tatitun utapan yatichirïna, arumjarusti Olivos sat qulluruw sarxirïna.

Lucas 4:15

Taqi chiqan utjir sinagoganakan yatichäna, taqinirakiw juparux jach'achapxäna.

Juan 18:21

¿Kunatarak nayarusti jiskhistasti? Khitinakatix nayar ist'apkitu ukanakaruy jiskt'amxa, jupanakay sispan kuna tuqittix yatichkäyät uka. Jupanakax yatipxiwa kuntix parlkäyät ukxa —sasa.

Juan 6:59

Jesusasti taqi akanak Cafarnaúm sinagogan yatichäna.

Juan 7:14

Chika phunchhäwinkipan Jesusax Tatitun utapar mantäna, ukatsti yatichañ qalltäna.

Juan 7:26

Ukaxay taqin uñjkañaw parlaski, janiw khitis kuns kamskiti. Jan ukax ¿marka apnaqir jilïrinakax chiqach aka jaqin Cristötap iyawsapxpachaxa?

Juan 7:28

Ukanak ist'asinsti, Jesusax Tatitun utapan yatichkasin jach'at arsüna: —¡Jumanakax uñt'apxistawa, kawkit jutataxsa yatipxaraktawa! Ukampis janiw nayan munañaxat jutkti, jan ukasti, khititix chiqäki ukan khithanitaw jutta, juparusti jumanakax janiw uñt'apktati.

Juan 7:4

Maynitix uñt'ayasiñ munchixa, janiw jamasan kuns lurkaspati. Jumax lurkta ukanakxa, taqi jaqin uñjkañay luram —sasa.

Juan 8:2

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

Juan 8:26

Ukampis jumanakan jan wali luratanakamat sañaxaw utjaskitu; khititix khithankitu ukax chiq arsu, nayasti kuntix jupat ist'kta ukarak akapachar sista.

Hechos 26:26

Agripa reyix akankaskiwa, jupasti akanak askiw yatiskaraki, ukat nayax jupan nayraqatapan jan axsaras akanak arsta; jupax amuyataxat taqi akanak sum yatiraki, janiw ukanakax kawki jamas k'uchunsa luraskiti.