Juan 17:26 - Qullan Arunaka DC Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.” Aymar Bibliia 1986 Jupanacarojj uñt'aysmawa, ucampis uñt'ayascaquïmawa, cunjämtejj nayaru munasista uca munasiñajj jupanacampïñapataqui, nayasti jupanacampïñajjataquiraqui.” Qullan Arunaca Jupanacarojj uñt'aysmawa, ucampis uñt'ayascaquïmawa, cunjämtejj nayaru munasista uca munasiñajj jupanacampïñapataqui, nayasti jupanacampïñajjataquiraqui.” |
Khä urun jumanakax, nayan Awkixankatax yatipxäta, jumanakasti nayankatam yatipxäta, nayasti jumanakankatam yatipxarakïta.
Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.
Janiw nayax jumanakar “uywatanaka” sas sutichapksmati, mä uywatax janiw uywiripan luratanakap yatkiti. Nayax jumanakarux “jila masinaka” sapxsmawa, kuntix Awkixax siskitu uk jumanakar yatiyatax layku.
Jumanakax nayampipunïpxam, kamisatix nayax jumanakampi mayakïtxa ukhama. Mä laymi sapax janiw achkaspati, janitix uva alipampi mayakïkchi ukaxa; uka pachparakiw jumanakax janitix nayampi mayakïpkasma ukax janiw achu churapkasmati.
Kamisatix Awkix nayar munaskitu, ukhamarakiw nayax jumanakar munasipxsma; ukhamax pachpa munasiñan jakapxam.
Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.
“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.
jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.
Khititix nayan janchix manq'ki, wilaxsa umkaraki ukax, nayampix mayakiwa, nayasti jupampix mayakirakïtwa.
Janiw nayax jach'achatäñ thaqkti; jan ukasti, Diosaw nayan jach'achatäñax thaqhi, juparakiw chiqapar uñji.
Cristotix jumanakan jakchixa, Ajayux jakarakiwa, Diosaw aski jaqinakar tukuyapxtam, janchix jucha layku jiwañatak satäskpasa.
Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.
Jaqin janchipax walja chiqanakat luratäkchi ukasa, mä sapa janchikiwa. Cristox ukham mayakirakiwa.
Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.
Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.
Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.
Akax wali jach'a jan amuyt'kañawa. Nayasti Cristompita, iglesiampit ukham arsta.
Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.
jupa tuqirakiw Diosax ch'amap phuqhantapxtam, Cristow taqi munañaninakana, ajayu ch'amanakan p'iqipaxa.
Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.
Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,
Qillqatansti akham siwa: “Jilanakaxaruw sutimat yatiyä, tantachasïwi taypin q'uchunakampiw yupaychäma” sasa.
Khitinakatix kamachiparjam phuqhapki ukanakax Tatitumpiw jakapxi, Tatitusti jupanakampiw jakaraki. Qullan Ajayup churkistu uka tuqiw jiwasampi jakatap yattan.