Juan 17:19 - Qullan Arunaka DC

Nayasti jupanak laykuw jakañax taqpach katuyasta, jupanakax jakañap uka kipkarak katuyasipxañap munta.

Aymar Bibliia 1986

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Qullan Arunaca

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Juan 17:19 Jak'a apnaqawi uñst'ayäwi

Isaías 62:1

Jerusalén markankirinaka, jumanakar munatax laykux janiw amukt'käti, jumanakar munatax laykusti janiw samarkäti, atipjañaman qhantati qhanar uñtat k'ajañapkama, qhispiyasiñaman mä nina wiyar uñtat qhanañapkama.

Jeremías 1:5

“Jumar jakaña janïr churkäyäsma ukkhatpach ajllissma; jumax janïr yurkäyät ukkhatpach nayax yaqhachassma; markanakan profetapäñamatakiw jumarux uchsma” sasa.

Números 7:15

nakt'ayat waxt'a luqtañatakisti, mä vaca qallu, mä urqu oveja, mä maran urqu oveja,

Juan 10:36

Dios pachpatix nayar ajllisin akapachar khithanchitu ukaxa, ¿kunatarak jumanakasti “nayax Diosan Yuqapätwa” sataxampi Diosarus ñanqhachkirista ukham amuyapxtasti?

Juan 15:13

Khititix jila masip layku jakañap apt'aski ukakiw jach'a munasiñanïspaxa.

Juan 15:3

Jumanakasti yatichapksma uka arunak tuqix q'umäxapxtawa.

Juan 17:17

Chiqa kankañampiy juma pachpatak q'umacham; arunakamax chiqawa.

Juan 17:20

“Ukampis janiw nayax jupanakatakik mayksmati, jan ukasti, akat qhiparusa jupanakan arup ist'asin nayar iyawsapkitani ukanakatakiw mayiraksma.

2 Corintios 4:15

Taqi ukanakasti jumanakan askimatakiw lurasiwayi, ukhamata, Diosan munasiñap katuqirinak utjatapatxa, waljaniraki Diosar yuspagarapxañapataki, Diosan qhapaq kankañapataki.

2 Corintios 7:14

Nayax jumanakat kusisitax Titor yatiyta, uk sasax janiw pantjaskti. Jan ukasti, kuntix jumanakar sapkäyäsma ukax chiqawa, Titor sapkta ukas chiqarakiwa: nanakax jumanakat wal kusisipxta.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Colosenses 1:6

ukasti jumanak taypinkiwa. Diosan aka arunakapasti taqi chiqan yatiyasiski, aski luräwinak jikxatasa, uka kipkarakiw jumanak taypin lurasïna kunapachatix Diosan munasiñapat ist'apkäyäta, uka munasiñapan chiqätap yatipkarakïyät ukkhaxa.

1 Tesalonicenses 4:7

Diosax janiw juchan jakañasatak jawskistuti, jan ukasti q'uman jakañasatakiw jawsistu.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

Hebreos 2:11

Q'umachatanakasa, q'umachiris taqiniw pachpa Awkinki. Ukat Diosan Yuqapax “Jilatanaka” sañ jan p'inqaskiti,

Hebreos 9:13

Urqu vacanakana, cabritonakan wilapampi, altaran nakhantat qachu vaca qallunakan qhillanakapampi, taqi ukanakamp juchaninakxar ch'axch'ukipatasti, anqäxatak qullanaptayaspa, q'umacharakispa.

Hebreos 9:18

Ukat nayrïr arust'äwix wila wartäwimpi utt'ayasïna.

Hebreos 9:26

Ukhamäsapän ukasti, akapach qalltatpach Cristox walja kutiw jiwañapäsapäna. Ukampis jichhax aka qhipa urunakan Cristox mä kutikiw wiñayatak uñsti, jupapachpaw taqi juchanak pampachañatak t'aqhisis luqtasiwayi.

1 Juan 3:18

Munat wawanakaxa, jiwasan munasiñasax janiw lakakïñapäkiti; jan ukasti luräwinak tuqiw uñacht'ayasiñapa.

1 Juan 3:3

Khitinakatix Jesucriston suyt'äwinïki ukax jupa pachpaw q'umachasi, kamisatix Jesucristox q'umäki ukhama.