Juan 15:14 - Qullan Arunaka DC

Kuntix nayax jumanakar sapksma uktix lurapxätaxa, nayan jila masinakaxäpxätawa.

Aymar Bibliia 1986

Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja.

Qullan Arunaca

Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja.

Juan 15:14 Jak'a apnaqawi uñst'ayäwi

1 Reyes 4:5

Natán chachan Azarías yuqapa, marka apnaqirinakan jilïripa; Natán sacerdoten Zabud yuqapa, reyin amuyt'ayiripa;

2 Reyes 18:6

Jupasti chiqa chuymanïnwa, janipuniw kunapachas Tatitut saraqtkänti, jan ukasti kuna kamachinaktix Tatitux Moisesar churkatayna ukanak phuqhänwa.

2 Crónicas 20:7

Nanakan Diosaxay, jumaw Israel markan nayraqatapat aka uraqin jakir jaqinakarux jaqunuktaxa, ukatsti juman munata Abrahaman wawanakaparuw wiñayatak churxtaxa.

Éxodo 7:6

Moisesampi, Aaronampisti kunjämtix Tatitux siskatayna ukhamarjamaw lurapxäna.

Proverbios 18:24

Yaqhip masinakax jank'akiw apanukusi, ukampis mayni masinakax jilasat sipan juk'ampiwa.

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Isaías 41:8

“Israel, Jacobun markapa, nayan munata Abrahaman wawanakapat saraqir marka, sum ist'ita:

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Ezequiel 12:7

Nayasti Tatitun arunakaparjamaw yänakax wakichasxta, urpacharakiw ukanak apt'at mistuwayxta, apanukutäsin sarxiri jaqjama. Jayp'u tuqirusti amparaxampiw pirqan mä jach'a p'iya lurarakta, ukat jayp'thapxipansti taqin uñjkataw yänakax q'ipt'asit mistuwayxta.

Mateo 12:50

Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.

Lucas 12:4

“Munat jilatanakaxa, jumanakaruw sapxsma, janchir jiwayirirux jan axsarapxamti, janiw jupax ukat juk'amp lurkaspati.

Juan 13:17

Akanaktix amuyt'apxäta, ukat ukarjam lurapxarakïta ukasti, kusisitäpxätawa —sasa.

Juan 14:15

“Jumanakatix munapxchistaxa, kamachinakax phuqhapxam.

Juan 14:21

Khititix kamachinakax katuqki, ukatsti phuqkaraki ukax, chiqpach nayar munatap uñacht'ayi. Awkixasti khititix nayar munaskitu ukarux munasirakiniwa, nayasti juparux munasirakïwa, ukatsti uñacht'ayasirakïwa.”

Juan 14:28

Jumanakax niyaw ist'apxista: “Sarxäwa, ukatsti jumanak laykuw kutt'anï” siri. Jumanakatix chiqpachan munasipxitasmaxa, Awkin ukar sarataxat kusisipxasmawa, jupasti nayat sipan juk'ampiwa.

Juan 2:5

Jesusan taykapasti ukan luqtirinakarux sänwa: —Kuntix jupax sapkätam uk lurapxam —sasa.

Santiago 2:23

Ukhamaw qillqatax phuqhasïna: “Abrahamax Diosaruw iyawsäna, ukat Diosax askit katuqäna” sasa. Abrahamasti Diosan jilat masipa satarakïnwa.

1 Juan 5:3

Diosar munasiñax kamachinakapar phuqhañawa; kamachinakapasti janiw ch'amäkiti,

Rut 3:6

Ukatsti, Rut warmix pamparuw saräna; taqi kuntix taykch'ipax iwxawaykäna uk ukhampun luräna.