Jan uñt'at markanakaruw jumax jawsäta; kawkïri markanakatix jan uñt'apkäyätam ukanakaw juman ukarux jalanipxani, naya, juman Tatituma, Israelan Qullana Diosapaw jumarux jach'añchsma.
Juan 12:23 - Qullan Arunaka DC Jesusasti jupanakarux sänwa: —Jaqin Yuqapan jach'añchatäñap urux purinxiwa. Aymar Bibliia 1986 Jesusasti ucjjarojj sänwa: —Jaken Yokapan jach'añchatäñap horasajj purinjjewa. Qullan Arunaca Jesusasti ucjjarojj sänwa: —Jaken Yokapan jach'añchatäñap horasajj purinjjewa. |
Jan uñt'at markanakaruw jumax jawsäta; kawkïri markanakatix jan uñt'apkäyätam ukanakaw juman ukarux jalanipxani, naya, juman Tatituma, Israelan Qullana Diosapaw jumarux jach'añchsma.
Ukanakasti qutanjam jutir barconakawa, mayakiw Tarsisankir barconakamp irpat jutapxi, jayatpach wawanakam irpanxapxi, quripas qullqipas apt'ata, Tatitumaru, Israelan Qullan Diosaparu jach'añchäwi churasa, khititix jumarux wali sum tukuyktam ukaru.
“Kunapachatix Jaqin Yuqapax munañan kankañampi, taqpach angelanakapampi jutkan ukapachax, qhapaq qunuñaparuw qunt'asini.
Ukatsti Jesusax yatiqirinakapan ukaruw kuttanxäna, jupanakarusti sarakïnwa: —¿Jichhakam ikisipkaktati? Pachax purinxiwa, Jaqin Yuqapan juchararanakan amparapar katuyatäñapataki.
Ukatsti Jesusax jupanakat mä juk'a nayraqataruw saräna, ukansti parap uraqir puriyañkamaw killt'asïna, ukatsti Diosaruw mayisïna, wakisispa ukkhax uka t'aqhisiñ apaqt'añapataki.
Kimsïr kuti kuttanisinsti sarakïnwa: —¿Ikisipkaktati? ¡Sartapxam! Jaqin Yuqapar katuntir qhuru jaqinakax niyaw akankxapxi, nayar katuntiriw jutapxi.
Yatiqirinakapax akanak janiw qalltan amuyt'apkänti; kunapachatix Jesusax alaxpachar aptatäxän ukkhakiw taqi akanakat jupxat qillqatäskatapa, ukhamarjam phuqhasiskatap amtapxäna.
“Jichhax wali llakt'atätwa; ¿kamsarakïsti? ¿‘Awkixay, aka t'aqhisiñat qhispiyita, säti’? Janiwa. Nayax uka urun t'aqhisiñatakiw jutta.
Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.
Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.