Tatitux taqi kuntix munki uk luri, alaxpachansa, akapachansa, lamar qutansa, quta manqhansa.
Jonás 1:4 - Qullan Arunaka DC Ukatsti, lamar qutankapkän ukapachaw Tatitux jach'a ch'aman axsarkay thaya sartayäna, thayasti uka jach'a qutan barcorux t'unjirpachänwa. Aymar Bibliia 1986 Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa. Qullan Arunaca Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa. |
Tatitux taqi kuntix munki uk luri, alaxpachansa, akapachansa, lamar qutansa, quta manqhansa.
Uraq tukusitpach qinayanak sartayi, lliju llijunakampiw jallun purxatañap yatiyi, imatäki ukkhatpach thayanakarux antutnuku.
¡Tatitur jach'añchapxam, q'ixu q'ixu, chhijchhi, khunu, urpu! ¡Arunakap jaysir jach'a thaya!
Moisesasti thujrup ayxarusin Egipto uraqxaruw amparap luqtäna, ukatsti Tatitux inti jalsu tuqit mä thaya thayt'ayanïna, ukasti uruy arumaw thayäna. Qhipärmanthisti uka thayax t'iju t'ijunak purintayanïna.
Ukatsti Tatitux inti jalanta tuqit wali thayt'ayanirakïna, uka thayaw t'iju t'ijunakar apasxasin Mar Rojo sat qutar jaquntxäna. Janiw mä t'iju t'ijus taqpach Egipto uraqin utjkxänti.
Moisesasti amparap qutxar luqtäna, ukatsti Tatitux inti jalsu tuqit arum paqaraw wal thayt'ayanïna, qutsti payaruw jaljtayäna. Ukhamat qutax payar jaljtasin waña uraqir tuküna.
Ukampis jumax may phust'asakiw qutampi chhaqtaytaxa; jupanakax plomo metaljamaw uma mathapi manqhir chhaqhantawayapxi.
Jach'a arupampiw alaxpachanak wal qhuthutiyi, qinayanakarusti jayanakat sarthapiyani, jach'a lliju llijunak taypina, jach'a thayanak sartayasin Tatitux jallu purintayi.
Khititix qullunaksa sayt'ayki, thaysa lurki, jaqirus amtäwinakap yatiyki, qhansa ch'amakt'ayki, jach'a qullunak patanakansa sarnaqkaraki, ukan sutipax Taqi ch'aman Tatituwa.
Tatitux jach'a quta tuqit wali ch'aman thaya thayt'ayanïna. Uka thayasti walja khullunak apanïna, ukatsti israelitanakan campamento jak'aruw puriyäna. Khullunakasti waljapunïnwa, mä uru sararjamaruw phuqhantäna, niya mä metrokam amsta tuqirux phuqhantarakïna.