Joel 3:18 - Qullan Arunaka DC

18 (18) Uka urusti, jach'a qullunakana, jisk'a qullunakansa vinompi, lechempix umjamaw jalani, Judá jawiranakansti walipuniw umax jalani. Qullan utaxatsti mä jalsur umaw mistuni, uka umasti Sitim qhirwa qarparakini.

Aymar Bibliia 1986

Uca urusti vinosa, lechesa umjamaw jach'a kollunacansa, jisc'a kollunacansa jalani, Judá jawiranacansti waliw umajj jalaraquini. Templojjatsti mä uma jalsuw misturaquini, uca umasti Sitim vallracwa karparaquini.

Qullan Arunaca

Uca urusti vinosa, lechesa umjamaw jach'a kollunacansa, jisc'a kollunacansa jalani, Judá jawiranacansti waliw umajj jalaraquini. Templojjatsti mä uma jalsuw misturaquini, uca umasti Sitim vallracwa karparaquini.

Joel 3:18 Jak'a apnaqawi uñst'ayäwi

Job 29:6

manq'asiñax chiqansti lechex janiw pist'irïkänti, p'iqixansa q'apkir qullax utjapunirïnwa;

Salmos 46:4

4 (5) Mä jawiraw Diosan markaparux kusisiyi, Alaxpachankirin qullan markaparu.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Isaías 30:25

Kunürutix Tatitux uñisirinakamar jiwaraykani, jach'a pirqanakapsa liwirtaykani uka uruxa, uka jach'a qullunakat walja jawiranakaw umampi phuqhantat saraqanini.

Isaías 35:6

suchunakasti tarujanakjamaw sink'usipxani, amutunakasti arnaqasipxarakiniwa. Wasara waña uraqitsti, umax walipuniw jalsuni.

Isaías 44:3

nayax wasaran uma jalayä, waña uraqinsti jisk'a jawiranak jalayä. Wawanakamarusti mä machaq jakañ churä, jupanakxarux suma waxt'äwinak apayanï.

Isaías 45:8

“Nayaw atipjañxa alaxpachatpach apayanï, alaxpach sullar uñtata, jallur uñtat apayanï, aka uraqisti uk katuqaniwa; qhispiyasiñasti mä achur uñtataw achuni, jak'apanxa chiqa kankañax panqarar uñtataw panqarani.”

Isaías 55:1

“Taqi khitinakatix umat pharjatäpkta ukanakax umt'ir jutapxam; jan qullqininakax jutapxam, manq'añatak trigo inak mayisipxam, vinompi, lechempi inak mayisipxam.

Isaías 66:11

jupasti mä taykjamaw jumanakarux chuymachañampi uywapxätam, uka chuymachasiñampi phuqt'atäpxañamkama.

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Zacarías 14:8

Ukkhasti Jerusalén uraqitxa suma q'uma umaw jalsuni, uka umax juyphi pachasa junt'u pachasa jalaskakiniwa, mä chikat umax Mar Muerto sat qutakamaw jalani, mä chikatasti Mediterráneo sat jach'a qutakamaw jalarakini.

Números 25:1

Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna,