Joel 2:13 - Qullan Arunaka DC

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Aymar Bibliia 1986

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Qullan Arunaca

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Joel 2:13 Jak'a apnaqawi uñst'ayäwi

Génesis 37:29

Rubenax uka phuch'ur kutt'ankäna ukkhasti, Josear ukan jan jikxatasax llakisiñat isip ch'iyanuqasïna.

Génesis 37:34

Ukatsti Jacobux llakisiñat isip ch'iyanuqasïna, llaki isimpiw uchasïna, jupasti jaya urunakaw wawapan jiwatapat jachäna.

2 Samuel 1:11

Ukat Davidampi, jupa chikäpkän uka jaqinakampix llakisiñat isinakap ch'iyanuqasipxäna,

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

2 Reyes 22:11

Reyisti kuntix kamachinakan siskäna ukanak ist'asin llakisiñat isip ch'iyanuqasïna,

2 Reyes 22:19

aka chiqawja uraqitaki, markachirinakapampitaki tukjat uñjasiñapa, ñanqhachatäñapa yatisin chuymam llakthaptayatam layku, llamp'ur tukutamata, isim ch'iyanuqasitamata, nayraqataxan jachatam laykuw, nayax jumar ist'araksma. Naya, Tatituw uk sisma.

2 Reyes 5:7

Israel marka apnaqir reyisti qillqat ullarasax, llakisiñat isip ch'iyanuqasïna, ukat sarakïna: —¿Nayasti jakañ churiri, jakañ apaqir Diosätti, jupan aka chachar lepra usupat qullañaxataki khithaniñapatakisti? ¡Sum amuyapxam, uñjapxarakim, nayatak jan walt'añ thaqhatapa! —sasa.

2 Reyes 6:30

Reyisti uka warmin arunakap ist'asin wali q'apisitaw isinakap ch'iyanuqasïna, pirqa patanjam saraskatap laykuw, jaqinakax q'ara janchiruk chhankha isimp uchasitap uñjapxäna.

2 Crónicas 6:27

jumax alaxpachatpach ist'am, ukatsti Israel markaman juchanakap pampacham, aski thakhinjam sarapxañapatak yaticharakim. Ukatsti markamar juman churata tuti uraqirux jallsa purxatayarakim.

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Job 1:20

Job chachasti uk ist'asin, sayt'asïna, ukat wali llakt'ataw isinakap ch'iyanuqasïna, ñik'utapsa mururasïnwa, ukatsti uraqir puriñkamaw Diosar yupachañatak alt'asïna.

Salmos 103:8

Tatitux munasiriwa, khuyapayasiriwa; janiw mäk q'apisirïkiti, khuyapayasiñan phuqhantatawa.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 34:18

18 (19) Tatitux llakimpi aynacht'atanakan jak'apankaskiwa, aynacht'at chuymap qhispiyañatakix jak'apankaskiwa.

Salmos 51:17

17 (19) Diosatak chiqpach luqtäwix llamp'u chuyma luqtañawa; ¡Diosay, llamp'uptat chuymarux janiw jumax jisk'achktati!

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 58:5

Ukham ayuno lurañaxa, nayatakix janipuniw kuna askïkisa. Mä alir uñtataw p'iqinakam alintapxtaxa, chhankha isinakampi isthapisisaw qhillxan ikipxtaxa. Uka luräwiruw ‘Ayuno’ sapxtaxa, ‘Tatitutakisti aski uruwa sapxaraktawa’,

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 41:5

ukapachasti Siquem, Siló, Samaria tuqinakat kimsaqallqu tunka jaqinakaw purintanipxäna, sunkhanakapas mururata, isinakapas ch'iyanuqata, janchinakapas jupanakpachan q'ala chhuxriñchjasita. Ukhamarus granonaka, inciensonaka apanipxäna Tatitun utapan Tatitur luqtañataki.

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Oseas 14:1

1 (2) ¡Israel, Tatit Diosaman ukar kuttanxam, jucha luratamat aynacht'taxa!

Jonás 3:9

inach Tatitux pampachistani, jach'a phiñasiñapsa apaqtayasini, ukhamat jan jiwarañasataki” sasa.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Nahúm 1:3

Dios Tatitux wali llamp'u chuymaniwa, ukampis wali ch'amanirakiwa, juchanirus juchapxa uñt'asiyapuniniwa. Tatitux jach'a axsarkañ thayanak patan sarnaqi, qinayanakasti kayunakapan laq'a sartayatapawa.

Números 14:18

“Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.

Romanos 2:4

Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.

Efesios 2:4

Ukampis Diosax jach'a khuyapayasiriwa, jach'a munasiñap uñachayistu.

1 Timoteo 4:8

Janchin jalnaqas ch'amachasiñax janchin k'umaräñapatakix askipuniwa, ukampis Tatitur chuyma katuyañatak ch'amachasiñaw taqi kunat sipan askixa, ukasti akapachan jakañatakiw yanapi, jutir pachan jakañatakisti yanaparakiwa.