Jeremías 5:1 - Qullan Arunaka DC Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa. Aymar Bibliia 1986 Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa. Qullan Arunaca Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa. |
Jupasti sänwa: “Nayan jumar jaysataxaw walpun llakisiyitu, jumax taqi ch'aman Dios Tatitütawa. Israelitanakax jumampi lurat arust'äwi apanukupxi, altaranakamsa allinukupxiwa, profetanakamarusti jiwarayapxarakiwa. Naya sapakiw qhiparxta, jichhasti jiwayañatakiw thaqhasipkitu” sasa.
Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.
1 (2) Tatay, qhispiyapxitaya, aski jaqinakax tukusiskiwa, chiqap sarnaqir jaqinakax janiw utkxiti.
Tatitux alaxpachatpach jaqinakarux uñtani, inach khitis amuyt'asirix utjaspa, inach khitis Diosar thaqtirix utjaspa.
Jaqinakasti taqiniw jan wali thakhir saranukupxi; taqpachaniw ñanqha lurir tukupxi. ¡Janiw khitis aski luririx utjkiti! ¡Janiw maynis utjkiti!
¿Khitirak jucharar jaqinakat arxatitanisti?, ¿khitirak ñanqha luririnakat jark'aqitanisti?
Waljaniw suma aski jaqit uñt'ayasiñ munapxi, ukampis janiw khitis aski jaqix utjkiti.
Chiqa kankañampi, yatiñ kankañamp jikxatam, yatichäwimpi, amuyt'a kankañampi, ¡ukanaksti jan chhaqhayasimti!
Ukat sartasin markpach muytanta, thakhinakana, plazanakan munasitaxar thaqhasa.
Janiw khitis aski amtampix jucha taripir nayraqataparux uñstkiti, jucha t'aqaña chiqanakansa janiw chiqapar uñjañax utjkiti. Jan ukasti k'ari arunakaruw jaysapxi, janirakiw khitis chiqap arskiti. Ñanqha lurañampi phuqhantatäpxiwa, ukham tukutapunïpxiwa.
¿Kunrak jumanakasti nayar sapxitasma? Jumanakaxay nayatak sayt'asipxstaxa. Naya, Tatituw uk arsta.
Ukhamasti taqi khitinakatix warminakapan yaqha diosanakar inciensonak luqtasipxatap yatipxäna ukanakasti, ukan jikxatasipkän taqi uka warminakasa, waljaniw tantacht'asipxäna, ukhamaraki kawkïr judionakatix Egipto tuqin utjapkäna ukanakasa, taqiniw Jeremiasarux sapxarakïna:
Taqi chuymaw ist'askarakïyäta, ukampis janiw maynis chiqpach arsurix utjkiti, janirakiw khitis ñanqha luratapat chuymay sirix utjkiti. ¡Janiw khitis nayaw ñanqha lurtxa sirix utjkiti! Taqinis kuntix munapki uk lurapxaraki, antutt'at caballonakar uñtataw uksa aksa jalanaqapxi.
2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.
7 (6) Ukatpï naya, taqi ch'aman Tatitux sistxa: ¿Kunsa jichhax markaxampix luriristxa? Jan ukasti q'umachatäñapatak ninar uskuñakiw wakisxi.
Nayasti uka jaqinak taypinxa, mayni aski jaqi thaqhäyäta, markapatak mä kuna asksa lurañapataki, aka markar jan t'unjañaxatak nayar achikt'asiñapataki, ukampis janiw uka jaqi jikxatkti.
Tatitusti ukxarux sarakituwa: “Israel markampina, Judá markampin juchanakapax sinti jach'apuniwa. Uraqix jaqi jiwarayatanakampi phuqhantatawa; markax jan wali lurañanakampi phuqhantatawa. Nayas aka marka apanukkirista, janis ñanqha luratanakap uñjkirista ukham jupanakax amuyapxi.
“ ‘Jumasti Daniel, taqi akanakatxa, jan khitirus arsumti; uka qillqat jan jist'aramti, tukuy uru puriniñapkama. Walja jaqinakaw juk'amp yatxatañ munasax uksa aksa sarnaqapxani’ sasa.
Markarus nuwantañatakjamaw muyuntapxi, pirqa patanak jalanaqapxi, uta patanakaruw mistupxi, lunthatanakjamaw ventananakat mantaranttapxi.
Tatitun arup thaqhasaw jaqinakax, inaki maysat maysa sarnaqani, mä qutat mä qutakamaw sarapxani, inti jalsu tuqit qalltasa, inti jalanta tuqikama, amstat aynachkamaw thaqhapxani, ukampis janiw jikxatapkaniti.
4 (8) juparusti sarakiwa: “T'ijum, tupuñ wiska iqt'atäkis uka waynar yatiyiri: ‘Jerusalén markax machaqat jaqinakanïxani, waljapunïniw jaqinakapasa, uywanakapasa, janiw uyunakanïñapas wakiskxaniti.
Uywatasti kuttanxasin taqi uk uywiripar yatiyäna. Ukatsti uywirix wal phiñasïna, uywataparux sarakïnwa: ‘Jank'ak saram, plazanakata, marka thakhinakat irptanim jan kunaninakaru, suchunakaru, juykhunakaru, kayu usutanakaru’ sasa.
Ukatsti kunayman ñanqhanak lurani, ukhamat khitinakatix ñanqhachäwir sarki ukanakar sallqjañataki, jupanakax qhispiyasiñ katuqañatakix janiw chiqa kankañar jaysañ munapkänti.