Jeremías 38:2 - Qullan Arunaka DC “Tatitux siwa: ‘Khititix aka markar qhiparkani ukax nuwasïwina, manq'atjama, jan ukax kunayman usumpiw jiwani. Ukampis khititix aka markat mistuwayxani ukat babilonionakar katuyasxarakini ukax janiw jiwayatäkaniti.’ Aymar Bibliia 1986 “Tatitojj siwa: ‘Qhititejj aca marcaru kheparcani ucajj guerran jiwani, jan ucajj mank'atjamasa, cunayman casta usumpisa. Ucampisa qhititejj aca marcat mistuwayjjani ucatsti caldeonacaru catuyasjjaraquini ucajj janiw jiwayatäcaraquiniti.’ Qullan Arunaca “Tatitojj siwa: ‘Qhititejj aca marcaru kheparcani ucajj guerran jiwani, jan ucajj mank'atjamasa, cunayman casta usumpisa. Ucampisa qhititejj aca marcat mistuwayjjani ucatsti caldeonacaru catuyasjjaraquini ucajj janiw jiwayatäcaraquiniti.’ |
Israelan Tatitu Diosapax akham siwa: ‘Babiloniankir reyisa, soldadonakapasa Jerusalén markar muyuntasaw nuwantaski. Ukham nuwantatasti, kawkïr soldadonakampitix jumanakax nuwantapkta ukanakax qhiparuw jitt'apxani, ukatsti pachpa marka taypiruw imantasipxarakini.
“Ukampis Judá uraqin Sedequías reyiparusa, jilïrinakaparusa, Jerusalén markan qhiparirinakarusa, jan ukax Egiptor sarasin suman utjasxapxi ukanakarusa, uka jan wali higonakarjamaw uñjarakï, ukham jan walïpxatapatxa, janiw manq'añatakis sumäpkiti.
Ukampis kawkïr markatix Nabucodonosor, Babilonia markan reyipar jaysani ukanakarusti, nayax uraqipan qhiparayaskä, ukan jakasiñapataki, ukan yapuchasiñapataki. Naya, Tatituw uk arsta.”
¿Kunatarak jumasa, markamasa uka nuwasïwinakana, mach'anakana, kunayman usunakampi jiwarapxätasti? Tatitusti qhanak sawayi: kawkïr markanakatix Babilonia markan reyiparu jan jaysapkani ukanakarux taqi uka t'aqhisiñanakaw jutani.
Tatitux akham siwa, khititix Davidan qunuñapan qunt'atäki uka rey tuqi, aka markankir jaqinak tuqi, khitinakatix jumanakan wila masinakamäki, janirak jupanakax katuntat apatäpki ukanak tuqi.
Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.
Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.
Nayaw jumarux jiwayatäñat qhispiyäma. Nayar iyawsatam laykusti, janirakiw jiwayapkätamti. Naya, Tatituw uk arsta’ ” sasa.
Taqi khitinakatix Egiptor sarxañ munapki ukanakasti, uka pachpa markan nuwasïwin jiwarapxani, manq'atjama, kunayman usunakampiw jiwarapxani; janirakiw maynis kuna jach'a t'aqhisiñtix apayankä ukat qhispipkaniti.’
Ukhamasti, jichhax sum yatipxam, kawkïr uraqirutix jakir sarapkäta ukanxa, nuwasiñanak utjatap layku, manq'atjam jiwarañ utjatap layku, kunayman usunakan utjatap laykuw jumanakax jiwarapxäta.”
Egipton jakapki ukanakarusti kunjämtix Jerusalén markankirinakar mutuyktxa uka kipkarakiw nuwasiñampi, mach'ampi, kunayman usunakampi mutuyä.
¿Kuncha jumatak mayisiñ munta? ¡Jan kunsa maykamti! Nayasti taqi jaqinakxarux jach'a t'aqhisiñanak apayanï. Ukampis jumarux kawkirutix sarkäta ukan jakayaskarakïmawa. Naya, Tatituw uk arsta’ ” sasa.
“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.
Tatitusti saskakituwa: “Amparanakam t'axllisim, kayunakam takisim, Israel markan axtaskañ juchanak luratapat wararim, uka markasti nuwasiñ utjatapata, kunayman mach'anak utjatapata, usunak utjatapat jiwarani.
Marka anqäxan qhiparirinakasti, nuwasïwin jiwarapxani, marka manqhan qhiparirinakasti manq'atjama, kunayman usunakampiw jiwarapxarakini.