Jeremías 20:5 - Qullan Arunaka DC Aka markan qamir yänakapsa, wali jila alani yänakapsa, Judá uraqinkir reyinakan qamir yänakapsa, uñisirinakamaruw katuyarakï, Babiloniar apapxañapataki. Aymar Bibliia 1986 Aca marcan kamir cancañapsa, take yänacapsa, wali jila alani yänacapsa Judá orakenquir reyinacan yänacapsa uñisirinacamaruw catuyaraquï, Babiloniaru apapjjañapataqui. Qullan Arunaca Aca marcan kamir cancañapsa, take yänacapsa, wali jila alani yänacapsa Judá orakenquir reyinacan yänacapsa uñisirinacamaruw catuyaraquï, Babiloniaru apapjjañapataqui. |
Uka marana, phanchhiri pachan, Nabucodonosor reyix Joaquín reyir Babilonia markar katuntat apayäna. Jupa lantisti, Nabucodonosor reyix Sedequías chacharuw Judá markan reyipat utt'ayäna, jupax Joaquín reyin jilapänwa. Ukxarusti Tatitun utapan utjkäna uka jila alani yänakamp Babiloniar apasipxarakïna.
‘Mä uruw purinini, kunatix reyi utaman utjki, kunanaktix nayra awkinakamas imapkän ukanakax Babiloniar apatäniwa. Janirakiw akarux kunas qhiparkxaniti.
Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.
Israel, walja juchanak luratam laykux, taqi imasitanakamsa, qamir yänakamsa, uñisirinakamaruw katuyä, taqi kunanakatix uraqiman utjki ukanaksa, inaki apasxapxañapatakiw jupanakar katuyä.
pampankir qullunakan utjkäna ukanakat amtasipxi. Juchanakam laykusti, qamir yänakamsa, imasitanakamsa, uraqiman utjir qullan qullunakamsa q'al lunthatjayäma.
Yaqha diosanakar mä p'inqa yupaychatanakaxax, kuntix awkinakaxax wawäpkäyäta ukapacha jikxatapkatayna, ovejanaka, uywanaka, yuqall wawanaka, imill wawanaka, taqi ukanak apt'asiyapxitu.
“ ‘Jichhasti Babiloniankir soldadonakax Jerusalén markar nuwantañatakiw wal wakicht'asipxi; nuwasiñampi, mach'ampi, kunayman usunak laykuw markax uñisirinakan amparapar purini. Tatay, kunjämtix jumax yatiykta ukanakaw phuqhasiski.
Mä mara chikataniw Jerusalén markax muyuntat uñjasïna, uñisirinakapax uka markan pirqap p'iyjasaw taqi ejercitopampi Jerusalén markar mantantapxäna,
Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.
Jan walt'añanakat yatiyäwinakaw purini; taqi markpachaw jichhax t'unjataraki. Utjnuqäwinakaxas akatjamat q'ala t'unjataw uñjasi, chhujllanakaxas q'ala t'unjatapuniwa.
Uñisirinakaw Jerusalén markan suma yänakap katuntasxi. Markasti, Diosar jan uñt'ir jaqinakan Tatitun utapar ch'amampi mantir uñjaraki, ¡kawkïr jaqinakarutix jumax: “Janiw nayan utaxar mantapxätati” siskta ukanakaw mantapxi!
Jerusalén markax khaya urunakat amtasi, sapaki, llakt'ata qhiparkäna uka urunakat amtasi; kuna qamir yänakapatix nayrax utjkäna taqi ukanakat amtasi; kunjämsa uñisiripan amparapar jalt'käna uk amtasi, janiraki khitis jupar yanapt'iri jutkänti ukanak amtasi, kunapachatix uñisirinakapax jupar uñjasinxa, aynacht'atapat larusipkäna uk amtasiraki.
Aka uraqinkir reyinakaxa, taqi akapach apnaqir reyinakasa, janipuniw Jerusalén markan punkup chiq uñisirinakapan mantaniñap suyapkänti.
marka apnaqirinakamasa leonanakjamaw jaqinakarux manq'antapxi; pachpa uraqipan katutanakaparus warart'asisa wikhanuqapxi, taqi imasitanakapsa, qamir yänakapsa q'al lunthatjapxi, walja warminakaruw ijma uñjasiyapxaraki.
Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;
Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.