Jeremías 2:18 - Qullan Arunaka DC

Israelitanaka, jichhasti Egiptor sarasasti ukat Nilo jawiran umanakapat umt'asasti ¿kunrak jikxatapxtasti? Asiria uraqir sarasasti, ukat Éufrates jawirat umt'asasti ¿kunrak jikxatapxtasti?

Aymar Bibliia 1986

Jichhasti, Egiptor sarasasti ¿cunraqui jicjjatta? Nilo jawiran umanacapat umt'asasti ¿cunsa jicjjatta? ¿Asiria oraker sarasasti, ucat Eufrates jawirat umt'asasti cunrac jicjjatta?

Qullan Arunaca

Jichhasti, Egiptor sarasasti ¿cunraqui jicjjatta? Nilo jawiran umanacapat umt'asasti ¿cunsa jicjjatta? ¿Asiria oraker sarasasti, ucat Eufrates jawirat umt'asasti cunrac jicjjatta?

Jeremías 2:18 Jak'a apnaqawi uñst'ayäwi

2 Crónicas 28:16

Uka urunakansti, Ahaz reyix khithanak Asiria markar khithäna reyipat yanap mayiñataki,

Isaías 23:3

Egiptot apanit trigo markanakar aljapxirïna, walja qullqirak uñxatapxirïna.

Isaías 31:1

¡Ay, kunakïkani, khitinakatix Egiptor yanap mayir sarapki ukanakatakixa, uka walja carronakaparu, caballerianakaparu alkatasipki ukanakatakixa, jupanakax janiw Israelan Qullan Diosapar uñtapkiti, janirakiw thaqhapkisa!

Isaías 7:20

Uka uru purinkani ukkhasti, Asiriankir reyix Judá markaruw mutuyani, uka luräwimpisti q'al jisk'achjani.

Jeremías 2:36

Jumax jank'akiw parlatanakam mayjt'aytaxa; Egiptox apanukurakikïtamwa, kunjämatix Asiriax apanukktam ukhama.

Jeremías 31:22

¿Kunapachkamarak uksa aksa sarnaqäta, saranukut wawar uñtatasti? Naya, Tatitux, aka uraqin machaqat lurtxa: warmix chacharuw munapayani.”

Lamentaciones 4:17

Nayranakasas uñch'ukkäwix qarirxiwa, inamayakiw yanap suyasktanxa. Mä jan qhispiyir markan puriniñap suyasktan.

Lamentaciones 5:6

Nanakar wali uñisirinakaxaruw manq'añ mayiñax wakt'apxitu.

Ezequiel 16:28

Ukham katuqkasasa, asirio jaqinakampiw q'añu lurañanakan sarnaqaraktaxa; janiw ukanakampis sisthapktati.

Ezequiel 17:15

Ukampis uka reyin jilïr yuqapax Babiloniankir reyitakix sayt'asïnwa, ukatsti Egiptoruw yatiyirinak khithäna, caballonaka, walja soldadonak mayiniñapataki. ¿Jumanakasti amuyapxtati ukanak lurasin atipjañapa, jiwañatsa jaltxañapxa? ¿Uka arust'äwir jan phuqhiristi jiwañat qhispispati?

Ezequiel 23:30

taqi ukanakar puriytamxa, jumasti uka markanakampiw wachuqa jucha lurañanakan sarnaqtaxa, diosanakaparu yupaychasaw aynacht'araktaxa.

Oseas 5:13

“Kunapachatix Israel markaxa, Judá markasa jan walt'añan jikxatasipkani ukkhaxa, jupanakax Asiria apnaqir reyiruw yanap mayirix sarapxani, ukampis uka reyix janiw yanapt'kaniti.

Oseas 7:11

Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.

Josué 13:3

ukasti Egipto markat inti jalsu tuqinkir Sihor jawirat qalltasa, Ecrón markan qurpapkama amsta tuqiru, ukax cananeonakan uraqipawa; ukansti filisteonakan phisqa jilïrinakapaw utji, jupanakasti Gaza, Asdod, Ascalón, Gat, Ecrón uka markanakan jakapxi. Ukhamarusa, aveo jaqinakan uraqipaw