Jeremías 1:10 - Qullan Arunaka DC “Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa. Aymar Bibliia 1986 “Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa. Qullan Arunaca “Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa. |
Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.
Ukhamat khiti israelitatix Hazaelan espadapat jaltkani ukaruxa, Jehú chachaw jiwayani, khititix Jehú chachan espadapat jaltkani ukarusti, Eliseo chachaw jiwayarakini.
“Jumar jakaña janïr churkäyäsma ukkhatpach ajllissma; jumax janïr yurkäyät ukkhatpach nayax yaqhachassma; markanakan profetapäñamatakiw jumarux uchsma” sasa.
nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.
Uka markxarusti taqi kunatix aka qillqatan utjki, kunanaktix yatiykta taqi ukanak puriyanï; taqi kunanaktix Jeremías profetax nayan sutixar taqi markanakar yatiykäna ukanaka.
Kunjämatix nayrax jik'inukuñataki, liwinukuñataki, pampa t'unjañataki, tukjañataki, kunayman ñanqhanak lurañatakis nayax jank'akïyätxa, ukhamarak jichhax wasitat sayt'ayañatakisa, ayruntañatakis jank'akirakïyä. Naya, Tatituw uk arsta.
Kawkharutix jiwatanakax imatäki, qhillas wartatäkaraki, Cedrón jawira patanaka, inti jalsu tuqin Caballonakan punkupa satäki taqi ukanakax nayar katuyatkamakïniwa, taqi uka chiqanakasti janipuniw mayampis t'unjatäkxaniti” sasa.
“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.
Nayasti jumanakxarux askinak apayaniñ lantxa, t'aqhisiñanak apayanipxäma. Taqi khitinakatix Judá markat jutasin aka Egipto markan jakasipkta ukanakasti, manq'atjama, jan ukasti nuwasïwin jiwarapxäta.
Jichhasti Tatitux jumxat akham siwa, ukatsti jumar yatiyiriw khithanitu: ‘Nayax kuntix sayt'aykta ukxa t'unjtwa, kuntix ayruntkta uksa jik'inukuraktwa. Jichhax taqi akapachampix ukhamarak lurä.
19 (24) “Pä thakhi lurt'am Babiloniankir reyin espadapampi sarakipañapataki. Uka pä thakhisti pachpa markat mistuniñapa, thakhi qalltarusti mä chimpu uskurakïta, kawkirutix uka thakhix sarki uk yatiyañataki.
Tatitux sarakituwa: “Jumasti Ezequiel, Oholá, Oholibá ukanak tuqi juchañchäwi arunak arsum, uka axtaskañ luräwinakapat ajanupar qhant'am.
“Jumasti Ezequiel, Egiptonkir walja jaqinakataki, taqi jilïrinakapatakisa, yaqha markanakankir warminakampi chika aka amay imäwi q'uchu q'uchurapim: “ ‘Ch'amaninakax manqhapachar jaquntatäpxiwa, sepulturankxapxi ukanakamp chika ukankapxañapataki.
Ukapachaw uka jak'ankir markanakax yatipxani, kunatix t'unjatäkäna, ninampis nakhantayatäkän ukanak naya, Tatitun wasitat sayt'ayxataxa. Naya, Tatituw uk arsta, arsutaxarusti phuqhapunïwa.
Uka unañchäwisti, Tatitux Jerusalén marka t'unjiri jutkän ukapacha uñjkäyäta ukhamänwa, Quebar sat jawira jak'an uñjkäyät uka kipkarakïnwa. Ukat nayax uraqir puriñkamaw p'iqix alt'asta,
Ukat nayax profetanak tuqi t'unjapxsmaxa, arunakax tuqiraki jiwayapxsmaxa. Nayan chiqa kankañaxasti mä qhanjamaw qhant'ani.
“Davidan tinkut utap wasitat sayt'ayañ urux jutaskiwa. Pirqa p'iysutanaksa phuqhantäwa, pirqa tinkutanaksa wasitat sayt'ayä, kunjamäkäntix nayrapachax ukham lurt'arakï,
Jupanakarusti nayax juchanakapat mutuyta, kunjämtix profetanakaxax jupanakar yatiykatayna ukhamarjama. Jupanakasti wasitat amuyt'asisin nayar jaysxapxitu, naya taqi ch'amani Tatitun jupanakan sarnaqäwiparjama, luräwiparjama uñjañaxax wakisitap uñt'asa.’ ”