Génesis 7:23 - Qullan Arunaka DC

Khitinakatix Noé chachampi arcankapkän jupanakakiw qhispipxäna, ukat uksarusti, jaqisa, uywañ animalanakasa, jamach'inakasa, uraqinjam qatatnaqtir animalanakas q'ala tukjataw uñjasipxäna.

Aymar Bibliia 1986

Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

Qullan Arunaca

Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

Génesis 7:23 Jak'a apnaqawi uñst'ayäwi

Génesis 6:17

Nayasti mä jach'a jallu apayanï, uka jallun umapaw taqpach uraqi chhaqtayani, aka uraqin taqi kunatix jakki uksa q'al tukjani. Aka uraqin jakirinakas taqiniw jiwarapxani.

Génesis 8:18

Ukhamasti Noé chachasa, warmipasa, yuqanakapasa, yuxch'anakapasa arcat mistxapxäna.

Job 5:19

Mayamp, mayamp chijir puriñat qhispiyätam, ñanqhan jumxar jutañapsa janiw munkaniti.

Salmos 91:1

Alaxpachankir Taqi ch'amanin imat sarnaqir jaqixa,

Salmos 91:7

ch'iqäxamarux waranqanakaw jiwarat liwirtapxani, kupïxamarusti tunka waranqaw tukusipxani, jumarusti janiw kunas kamachkätamti.

Proverbios 11:4

Qamir yänakax taripäw urun maynirux janiw yanapkaniti, aski kankañasti jiwañat qhispiyani.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

2 Pedro 2:5

Janirakiw Diosax nayra jaqinakarus pampachkänti, jan ukasti, uka jan wali jaqinakxarux uma taripäwi puriyanïna. Noé saparukiw qhispiyäna, chiqa arunak parlatapata, jupamp chikasti paqallqunikiw qhispipxäna.

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.

2 Pedro 3:6

Ukhamarak uma taripäwimpi uka urunakan utjir jaqinakar Tatitun mutuyatapsa.