Génesis 7:13 - Qullan Arunaka DC

Uka pachpa uruw Noé chachax arcar mantxäna: Sem, Cam, Jafet yuqanakapampi, warmipampi, kimsa yuxch'apamp kuna.

Aymar Bibliia 1986

Uca pachpa ururaquiw Noejj arcar mantjjäna, Sem, Cam, Jafet yokanacapampi, warmipampi, quimsa yojjch'apampi cuna.

Qullan Arunaca

Uca pachpa ururaquiw Noejj arcar mantjjäna, Sem, Cam, Jafet yokanacapampi, warmipampi, quimsa yojjch'apampi cuna.

Génesis 7:13 Jak'a apnaqawi uñst'ayäwi

Génesis 10:21

Jafet jaqin jilïr jilapa Sem chachasti wawanakanirakïnwa. Éber chachan wawanakapasti Sem chachat saraqirinakkamakïnwa.

Génesis 10:6

Cam jaqin wawanakapasti: Cus, Misraim, Fut, Canaán ukanakänwa.

Génesis 5:32

Noesti phisqa patak maranïxänwa, kunapachatix Sem, Cam, Jafet wawanakapax yurkän ukkhaxa.

Génesis 6:10

Noé chachax kimsa wawanïnwa, Sem, Cam, Jafet satäpxänwa.

Génesis 6:18

Ukampis jumampix mä suma arust'äwi lurä, uka arcarusti yuqanakamampi, warmimampi, yuxch'anakamampi, jumampi ukanakaw mantapxäta.

Génesis 7:1

Uka qhipatsti Tatitux Noé chacharuw sarakïna: “Taqi jaqinak taypin juma sapakiw aka pachan nayan munañaxarjam sarnaqtaxa. Uka layku, jichhax wila masinakamamp arcar mantam.

Génesis 7:14

Jupanakamp chikasti pampankir kunayman animalanaka, uywañ animalanaka, uraqin qatatnaqtir animalanaka, kunayman jamach'inak kunaw mantapxäna.

Génesis 8:14

Payïr phaxsina, pä tunka paqallqun uru saraqatarusti, uraqix suma wañäxänwa.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

2 Pedro 2:5

Janirakiw Diosax nayra jaqinakarus pampachkänti, jan ukasti, uka jan wali jaqinakxarux uma taripäwi puriyanïna. Noé saparukiw qhispiyäna, chiqa arunak parlatapata, jupamp chikasti paqallqunikiw qhispipxäna.

Jueces 21:22

Uka tawaqunakan awkinakapampi, jan ukax jilanakapampitix arsusiri jutapxanixa, nanakax sapxäwa: ‘Nanakax achikt'asipxsmawa, jupanakat khuyapt'ayasipxam, Jabés markampi nuwasiñan janiw taqinitak warmi jikxatarapipkti. Ukhamarus jumanakax phuchhanakam jan churapxatam laykux janiw juchanïpktati’ ” sasa.