Génesis 39:10 - Qullan Arunaka DC

Warmisti sapüruw Josearux jupamp ikiñatak parlxayirïna, ukampis Joseax janiw warmir ist'känti.

Aymar Bibliia 1986

Warmisti sapüruw Josearojj jupampi ict'añataqui parljjayirïna, ucampis Joseajj janiw warmirojj ist'cänti.

Qullan Arunaca

Warmisti sapüruw Josearojj jupampi ict'añataqui parljjayirïna, ucampis Joseajj janiw warmirojj ist'cänti.

Génesis 39:10 Jak'a apnaqawi uñst'ayäwi

Génesis 39:11

Mä urusti, Joseax lurañanakap phuqhiriw utar mantaskäna. Warmisti khitis utan jan utjipan,

Génesis 39:8

Ukampis Joseax janiw munkänti, sarakïnwa: —Uywirixax taqi yänakap nayar katuyitu, nayan uka yänakap uñjaskataxatsti, jupax janiw kunatsa llakiskiti.

Génesis 39:9

Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa.

Proverbios 1:15

¡Ukampis, wawaxay, jupanakan ukarux jan saramti! Jupanakan jan wali sarnaqäwinakapat jithiqtam.

Proverbios 2:16

Yatiñ kankañaw jan wali warmit qhispiyätam, quña arunakampi iyawsayir jan uñt'at warmit jithiqtayätam.

Proverbios 22:14

Jan wali sarnaqir warmin lakapax wali manqha phuch'ur uñtatawa; Tatitur q'apisiyir jaqinakasti ukaruw jalanti.

Proverbios 23:27

Jan uñt'at jan wali sarnaqir warmix, wali manqhi k'ullk'u phuch'ur uñtatawa;

Proverbios 23:28

uka warmix lunthatjamaw katuntañatak suyxati, walja chachanakaruw chhaqhañar puriyi.

Proverbios 5:3

Jan wali warmin arunakapax misk'ir uñtatawa, arsutapasti aceitet sipan suma quñawa.

Proverbios 5:8

Jan wali warmit jithiqtam; uta punkuparus jan jak'achasimti,

Proverbios 7:13

Uka warmisti waynar jikxatasin qhumanti, jamp'att'araki, ukat jan axsarasaw saraki:

Proverbios 7:5

Uka yatiñ kankañampi, ch'ikhi kankañampiw jan wali warmit qhispiyätam, iyawsayir muxsa arunakapatsa jark'aqarakïtam.

Proverbios 9:14

Jupax uta punkuparuw qunt'asi, taqpach markax uñstkis ukawjana,

Proverbios 9:16

“¡Jan yatiñan waynanaka aka chiqar jutapxam!” sasa. Ukatsti jan amuyt'asirinakar sanipxañapatakiw khitharaki akham sasa:

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 6:18

Ukhamasti, wachuq jucha lurañat jithiqtapxam. Kuna yaqha juchsay mä jaqix luraskpan, janiw janchiparux ñanqhachkiti; ukampis wachuq jucha lurañar katuyasirixa, pachpa janchipatakiw juchachasi.

1 Tesalonicenses 5:22

Taqi ñanqha lurañat jithiqtapxam.

1 Timoteo 5:14

Ukat nayax tawaqu ijma warminakan jaqichasiñap munta, wawanakanïñapa, utap sum uñjirïñap munta, ukhamat uñisirinakapan jupanakar jan p'inqachaskañapataki.

2 Timoteo 2:22

Waynanakan jan wali amtäwinakapat jithiqtam, ukatsti aski kankaña, iyawsaña, munasiña, sumankañ thaqham, khitinakatix Tatitur q'uma chuymamp mayipki ukanakamp chika.

1 Pedro 2:11

Munat jilatanaka, sarir jaqinakarjamaw achikt'apxsma, janchin munañaparjam jan jakapxamti, uka janchin munañapasti ajayusampiw nuwasi.