Génesis 3:24 - Qullan Arunaka DC

Edén chiqat chachampiru warmimpiru jaqunukusinsti, Diosax uka chiqat inti jalsu tuqirux querubines sat chhiqhaninak usküna, ukansti mä aqkir espada uchäna, ukaw taqi tuqit muytarakïna, ukhamat jan khitis jakañ quqar jak'achasiñapataki.

Aymar Bibliia 1986

Edén huertot jakeru apsjjasinsti, uca huertot inti jalsu tokerojj querubines sat angelanacwa Diosajj uscüna, ucanacasti mä akquir espada ayt'asitäpjjänwa, take toket muyuntapjjaraquïna, jan qhitis jacañ kokar puriñapataqui.

Qullan Arunaca

Edén huertot jakeru apsjjasinsti, uca huertot inti jalsu tokerojj querubines sat angelanacwa Diosajj uscüna, ucanacasti mä akquir espada ayt'asitäpjjänwa, take toket muyuntapjjaraquïna, jan qhitis jacañ kokar puriñapataqui.

Génesis 3:24 Jak'a apnaqawi uñst'ayäwi

Génesis 3:23

Ukat Tatit Diosax Edén chiqat jaqirux jaqunuküna, ukatsti kuna laq'at luratäkäntix uka uraqi irnaqañapatakiw usküna.

Génesis 4:1

Ukatsti chachax Eva warmipampiw mayachasxäna. Warmisti usur jaqiptxänwa, ukat Caín sat wawap wawachasxäna, ukatsti sarakïnwa: “Jichhax mä yuqall wawanïxtwa. Tatituw churitu” sasa.

Génesis 4:14

Jichhax aka uraqit jaqunukxistawa, ukatsti aka uraqinxay jumat jayarst'at muychï, janiraki nayatakix samarañas utjkchiniti. Ukhamarak khititix jikxatkitani ukax jiwayakchitaniya —sasa.

Salmos 104:4

Thayanakax khithanakamawa, nina lawranakasti arsutam phuqhirinakawa.

Salmos 80:1

1 (2) Israel markan awatiripa, ist'apxakitaya, ovej tamar uñtat Josean markapar irpiripa, jaysapxakitaya; querubines sat taypin qunuñaman qunt'asiri, ist'apxakitaya. Efrainan ayllunakaparux uñtanikimaya,

Salmos 99:1

¡Tatitux Reyiwa! ¡Reyi qunuñapax querubines sat chhiqhaninakxar utt'atawa! Markanakax khathatipxpan, taqpach uraqis unxtarakpan.

Éxodo 25:2

“Israelitanakar yatiyam, nayatak mä waxt'a apanipxañapataki. Khitinakatix taqi chuymampi churañ munkani jupanak taypit apthapipxäta.

Ezequiel 10:1

Ukatsti uñjaraktwa: Querubines sat chhiqhaninakan p'iqinakapat alay chiqanxa, mä qunuñäkaspas ukhamaw uñstäna, ukasti zafiro qalat luratjamänwa.

Ezequiel 31:11

Ukatpï nayax jumarux apanukuraksmaxa. Jichhax mä yaqha markankir reyipan amparaparuw katuyäma, jupasti ñanqha luratanakamat katuqañamax wakiski ukhamarjamaw mutuyätam.

Números 22:23

Qachu asnosti Tatitun angelapar espadas ayt'asit chika thakhin sayt'at uñjasaxa, thakhit maysaruw saranuküna, yaqha tuqinjam sarasa; ukampis Balaamax wal asnorux jawq'jäna, thakhir kuttayaniñataki.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Hebreos 1:7

Diosax angelanakat siwa: “Angelanakax thayjamäpxpan, luqtirinakapasti nina lawranakjamarakïpan” sasa.

Josué 5:13

Mä urusti, Josué chachax Jericó marka jak'ankasin, jupan nayräxapan mä chacharuw uñjäna, amparapar espadas apt'ata. Josué chachasti jupar jak'achasisin akham jiskt'äna: —¿Jumax nanakankirïtati, jan ukax uñisirinakaxankirïtacha? —sasa.

1 Samuel 4:4

Ukatsti, Israel markax mä qawqha jaqinakaruw Siló chiqar khithäna Tatitun arust'äwi arcap aptaniñataki, Tatitusti uka arcan querubines sat chhiqhaninak taypinkänwa. Elí sacerdoten Hofní, Finees sat yuqanakapasti Tatitun arust'äwi arcap chikäskarakïnwa.