Génesis 19:1 - Qullan Arunaka DC

Kunapachatix uka pä angelax Sodoma markaru puripkän ukapachax niya ch'amakthapxänwa, Lot chachasti markar mantañ punkun qunt'atäskänwa, kawkhantix jaqinakax tantachasipxirïkäna ukkhana. Uka pani angelar uñjasasti katuqañatakiw sayt'asïna, ukatsti killt'asisaw p'iqip uraqir puriyañkam alt'asïna,

Aymar Bibliia 1986

Cunapachatejj uca pä angelanacajj Sodoma marcaru puripcän ucapachajj niya ch'amacthapjjänwa, Lot chachasti marcar mantañ puncun kont'atäscänwa, cawqhantejj jakenacajj tantachasipjjerïna ucqhana. Uca pani angelar uñjasasti catokañataquiw sayt'asi, ucatsti orakcamaw alt'asi,

Qullan Arunaca

Cunapachatejj uca pä angelanacajj Sodoma marcaru puripcän ucapachajj niya ch'amacthapjjänwa, Lot chachasti marcar mantañ puncun kont'atäscänwa, cawqhantejj jakenacajj tantachasipjjerïna ucqhana. Uca pani angelar uñjasasti catokañataquiw sayt'asi, ucatsti orakcamaw alt'asi,

Génesis 19:1 Jak'a apnaqawi uñst'ayäwi

Génesis 11:27

Térah chachan wawanakapax akanakänwa, Abram, Nahor, Harán ukanaka. Harán chachasti Lot jaqin awkipänwa,

Génesis 13:12

Abram chachax Canaán uraqiruw qhiparxäna, Lot chachasti qhirwa tuqinkir markanakar jakiriw sarxarakïna, Sodoma marka jak'aru,

Génesis 18:16

Ukxarusti uka jaqinakax sayt'asxapxänwa, ukatsti Sodoma marka tuqiruw sarxarupxarakïna. Abrahamasti jupanakamp chikaw khithanukxañatak sartäna.

Génesis 18:22

Uka jaqinakasti uka chiqatxa Sodoma tuqiruw sarxapxäna, ukampis Abrahamax Tatitun nayraqataparuw qhiparäna.

Génesis 19:10

ukampis Lot chachar sart'ir angelanakax juparux waythapisin uta manqharuw wayuntxapxäna; punksti mäkiw jist'katapxäna.

Génesis 19:2

ukat jupanakarux sarakïna: —Tatanaka, achikt'asipxsmawa, jichhärmax nayan utaxanay qurpacht'asipxam. Ukan kayunakam jariqt'asipxäta, ukatsti arumanthiw wali willjtat sarxapxäta —sasa. Ukampis jupanakax sapxänwa: —Walikïskaniwa, nanakax jichhärmax anqak ikt'awayapxä —sasa.

Génesis 23:12

Abrahamasti hitita jaqinak nayraqatan wali yäqañampiw wasitat alt'asïna,

Génesis 48:12

Joseasti wawanak awkipan jarphipat ichuqasin, killt'asisin p'iqip uraqir puriyañkamaw alt'äna.

Job 29:7

markan tantachasïwinakapan jilïrin qunt'asiñaparuw qunt'asirïta.

Job 31:32

nayax janipuniw uka jaqirux anqar ikiyirïkti. Thakhi saririnakarux utaxarupuniw katuqirïyäta.

Salmos 69:12

12 (13) Taqi jaqin parlasitaw sarnaqta, machatanakas nayxat jayllipxi.

Lucas 17:28

Ukhamarakiw Lot chachan urunakapan lurasïna: jaqinakax manq'asipkänwa, umasipkänwa, alasisipkänwa, aljasisipkänwa, yapuchasipkänwa, utanaksa utachasisipkarakïnwa;

Hebreos 13:2

Utamar purinipki uka jaqinakar katuqt'añ jan armasipxamti, yaqhipanakasti ukham katuqasax jan yatkasaw angelanakar qurpachapxäna.

Rut 4:1

Uka qhipatsti, Booz chachax markar mantañawjaruw qunt'asir saräna, kawkhantix jaqinakax aski amtäwinak parlakipañatak tantachasipxirïkän ukkharu. Uka pachasti kawkïr wila masittix Booz chachax parlkäna ukaw uka chiqanjam saraskarakïna, ukat Booz chachax jupar art'äna: —Jutam, akawjar qunt'asim —sasa. Uka wila masisti Booz chachan jak'apar qunt'asiriw jutäna.