Génesis 12:10 - Qullan Arunaka DC

Uka urunakansti Canaán taqi uksa tuqinakan mä jach'a mach'aw utjäna, Abram chachasti uka chiqan jan kuna manq'añas utjatapatxa, Egipto markaruw mä qawqha pachatak jakir sarxäna.

Aymar Bibliia 1986

Uca tiempojj take ucsa tokenacanjja mä jach'a mach'aw utjäna, Abramasti mä kawkha tiempo Egiptor jaquiriw sarjjäna, cawqhantejj jaccäna ucan jan cuna mank'añas utjatap laycu.

Qullan Arunaca

Uca tiempojj take ucsa tokenacanjja mä jach'a mach'aw utjäna, Abramasti mä kawkha tiempo Egiptor jaquiriw sarjjäna, cawqhantejj jaccäna ucan jan cuna mank'añas utjatap laycu.

Génesis 12:10 Jak'a apnaqawi uñst'ayäwi

Génesis 41:56

Kunapachatix manq'at t'aqhisiñax taqi markpachan utjxäna ukkhasti, Joseax imaykäna uka trigo pirwanak jist'arayäna, ukat egipcio jaqinakar aljarakïna, manq'at awtjayasiñasti juk'amp ch'amampiw sartäna.

Génesis 41:57

Taqi markanakatsti Egiptorkamaw Joseat trigo alasiri jutapxäna, uka markanakan manq'añax jan utjatap layku.

Génesis 42:5

Israelan yuqanakapasti mayni saririnakamp chikaw trigo alasir sarapxarakïna, taqi Canaán uraqin mach'an utjatap layku.

Génesis 43:1

Mach'ax juk'ampiw Canaán markpachan utjäna.

Génesis 47:13

Janipuniw kawkhansa manq'añax utjkxänti, mach'asti sintipunïxänwa. Egiptonsa, Canaán uraqinsa, jaqinakax manq'atjam jiwarapxäna.

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

2 Reyes 4:38

Uka qhipatsti, Eliseox Guilgal chiqaruw kutt'xäna. Khä urunakansti uka uraqin manq'at t'aqhisiñaw utjäna. Mä kutisti kunapachatix profetanakax Eliseor muyuntat qunt'atäsipkän ukkhaxa, Eliseox uywataparuw säna: “Ninar jach'a phukhu itxatam, profetanakatak manq'a phayt'am” sasa.

2 Reyes 6:25

Ukham muyuntat uñjasipan, Samaria markan manq'at t'aqhisiñax utjäna, mä asno p'iqi alasiñax kimsaqallq tunka qullqïnwa, paloman mä juk'a wanup alasiñas phisqa qullqirakïnwa.

Salmos 105:13

markat marka muyupkchïn ukasa, jach'a markat yaqha markar sarapkchïn ukasa,

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Salmos 34:19

19 (20) Tatitunkirinakax t'aqhisiñankapxiwa, ukampis Tatituw uka t'aqhisiñanakar atipjañ yanapi.

Jeremías 14:1

Mä jach'a waña maranak utjatapatsti, Tatitux Jeremiasaruw parläna, akham sasa:

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

Hechos 7:11

“Ukapachasti mach'aw utjäna, taqpach Egipto uraqimpina, Canaán uraqimpina, jaqinakax wali llakitaw uñjasïna. Nayra awkinakasasti janiw kuna manq'añsa jikxatapkänti.

Rut 1:1

Israel markax jilïr jaqinakan apnaqatäkäna ukapachaxa, taqi uksa tuqinakan mach'aw utjäna, uka maranakan janiw manq'añax utjkänti. Ukhamïpansti, Judá markankir Belén markata, Elimélec chachax Moab jach'a markaruw warmipampi, pä wawapamp jakir sarxäna. Warmipax Noemí sutinïnwa, maynïr wawapax Mahlón sutini, maynïristi Quelión sataraki. Jupanakax Belén jisk'a markankirïpxänwa, Moab markar purisasti ukan jakxapxarakïna.