Génesis 11:4 - Qullan Arunaka DC

Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa.

Aymar Bibliia 1986

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

Qullan Arunaca

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

Génesis 11:4 Jak'a apnaqawi uñst'ayäwi

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

2 Samuel 8:13

Davidasti taqininsa wali uñt'ataw tukxäna. Mä urusti tunka kimsaqallqun waranqa edomita jaqinakaruw jiwayäna, Jayu Qhirwa satäki uka chiqana.

Salmos 107:26

alayaru, manqhäxar jaqnaqataw uñjasipxäna, liwnaqkäwix aynacht'atäxapxänwa.

Salmos 92:9

9 (10) Tatay, timasirinakamax tukusipxaniwa, ñanqha luririnakasti ananukutäpxaniwa.

Proverbios 10:7

Aski jaqix suma amtatäniwa; ñanqha jaqirusti mäkiw armatäxi.

Jeremías 51:53

Babilonia markax jach'a ch'amapa jach'ar aptañatakixa, alaxpachkamas makhataskpan, ukarusa jupanakar t'unjirix uñisirinakap khithaskakïwa. Naya, Tatituw uk arsta.”

Daniel (hebreo) 4:11

11 (8) Quqasti jilsusin wali thurupuniw tukuwayxäna; alipasti alaxpachkamaw purïna, wali jayatpach uñtasïna, uraq tukusitsa uñstaskakïnwa.

Daniel (hebreo) 4:22

22 (19) uka quqax, juma reyïtawa, jiltasinsti, wali ch'amanipuniw tuktaxa. Jach'a ch'aman kankañamasti alaxpachar puriñkamaw jilxatti, munañanïñamasa taqi aka uraqpacharuw puriraki.

Daniel (hebreo) 4:27

27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.

Daniel (hebreo) 4:30

30 (27) ukapachaw jupax säna: “Uñjapxam, kunja jach'as Babilonia markaxa. Nayaw jach'a ch'amaxamp apnaqäwixan jach'a markapäñapatak ukham lurayta, ukhamat nayan jach'a kankañaxat uñacht'ayañataki” sasa.

Lucas 1:51

Jach'a ch'amapampiw taqi kuns luri, jach'a jach'a tukurinakarus atipjaraki,

Juan 5:44

¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Deuteronomio 1:28

Jichhasti, ¿kawkirurak sarañänisti? Jilanakasax sapxiwa, ukan wali ch'amani jach'a tansa jaqinak utjatapa, ukhamarak jach'a pirqanakan muyuntat markanak utjatapa, Anac jach'a tansa jaqin yuqanakaparus uñjapxataparaki. Taqi ukanakasti ch'am jiwt'ayapxitu’ sasa.

Deuteronomio 4:27

Tatitusti jumanakarux taqi markanakaruw ananukupxätam, ukatsti mä juk'anikirakiw jumanakat uka markanakan jilt'ani.

Deuteronomio 9:1

Moisesasti saskakïnwa: “Israelit jaqinaka, ist'apxam: Jordán jawira khurkatar makhatañampïpxtawa, jumanakat sipan juk'amp jach'a ch'aman markanak katuntapxäta, ukhamarak jach'a pirqanakan uyuchrantat suma markanaksa;