Tatitux Moisesaruw säna: —Faraonan ukar saram, nayaw jupampiru, yanapirinakapampirux chuymanakap qalarayta, ukhamat jupanakar nayan jach'a muspharkañ chimpunakax uñacht'ayañaxataki,
Éxodo 9:12 - Qullan Arunaka DC Ukampis Tatitux faraonan chuymap qalarayänwa, ukhamat Moisesampiru, Aaronampiru jan ist'añapataki, kunjämtix Tatitux Moisesar siskatayna ukarjama. Aymar Bibliia 1986 Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja. Qullan Arunaca Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja. |
Tatitux Moisesaruw säna: —Faraonan ukar saram, nayaw jupampiru, yanapirinakapampirux chuymanakap qalarayta, ukhamat jupanakar nayan jach'a muspharkañ chimpunakax uñacht'ayañaxataki,
Ukampis Tatitux faraonan chuymap qalarayänwa, janiw israelitanakarux antutañ munkänti.
Ukhamaw Moisesampi, Aaronampix taqi uka muspharkañanak faraonan nayraqatapan lurapxäna, ukampis Tatitux faraonan chuymap qalarayänwa, faraonasti janiw israelitanakarux Egiptot sarxapxañapatak antutañ munkänti.
Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.
Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.
Faraonasti janiw jumanakarux ist'añ munapkätamti, ukampis nayaw ch'amaxa Egipto markar uñacht'ayä, ukatsti jach'a muspharkañ chiqa luräwinak uñacht'ayasaw israelita ejército markaxarux Egiptot irpsunï.
Faraonax israelitanakan uywanakap uñjiriw khithäna, ukampis janiw mayas uywanakapat jiwkataynati. Ukhamäkipansa, faraón reyix chuymap qalarayasiskakïnwa, ukatsti janiw israelitanakarux sarxapxañapatak antutkänti.
“Diosax jupanakarux juykhu tukuyi jupanakan jan uñjapxañapataki, chuymanakap qalarayi jupanakan jan amuyt'apxañapataki; jupanakan nayar jan kuttanipxañapataki, jupanakar jan k'umarachañaxataki.”
Ukhamasti Diosax khitirutix munki ukarux khuyapt'ayasiwa, khitirutix chuyma qalarayañ munki ukarusti qalarayarakiwa.
Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.