Éxodo 34:12 - Qullan Arunaka DC

“Mantapkäta uka uraqin jakirinakampix janiw jumanakax kuna arust'äwsa lurapxätati, jupanakax jan walt'añaruw puriyapxiristam.

Aymar Bibliia 1986

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Qullan Arunaca

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Éxodo 34:12 Jak'a apnaqawi uñst'ayäwi

1 Reyes 11:2

Diosasti israelitanakarux uka markanakankir warminakat sataynawa: “Janiw jupanakamp jaqichasipxätati, jupanakas janirakiw jumanakampi jaqichasiñapäkiti, chuymanakam yaqha diosanakar arkañatak jan saranukuyaskañapataki” sasa. Ukampis Salomonax uka warminakar munasin, jupanakampi mayachasïna.

2 Reyes 17:10

Ukatsti qullu patanakana, walja laphini quqanak k'uchun Astarté diosan uñtasitanakapa, axsarata qalanaka sayt'ayapxäna,

2 Crónicas 24:18

jupanakax Tatitun utapata, nayra awkinakapan Diosapat armasxapxänwa, ukatsti Astarté diosan uñtasitanakaparu, yaqha diosanakampiruw yupaychxapxäna. Tatitusti uka jucha luratanakapat Judá, Jerusalén markanakatakix q'apisïnwa.

Salmos 106:36

diosanakaparuw yupaychapxäna, ukat jan walt'añanakar puripxäna,

Números 33:52

uka uraqin jakir jaqinakaruw alisnukupxäta, qalampita, metalampit lurat diosanakapar taqpach t'unjapxäta, ukatsti diosanakapar qullu patanakan yupaychapki ukawjanak t'unjapxarakïta.

Deuteronomio 20:18

ukhamat uka axtaskañ sarnaqäwinakapa, kunjämtix diosanakapar yupaychapki ukanak jumanakar jan yatichaskañapataki, ukham lurasin Tatit Diosamatak jucha jan lurasipkañamataki.

Deuteronomio 31:5

Kunapachatix Tatitux jumanakar uka markanak katuyapkätam ukkhasti, kuntix nayax iwxawayapksma ukanak uka markanakarux lurapxäta.

Deuteronomio 7:16

Jumanakasti kawkïri markanaktix Tatit Diosamax amparanakamar katuyapkätam uka markanakarux t'unjapxätawa; jan jumanakax jupanakat khuyapayasipxamti, diosanakaparus jan yupaychapxamti, ukham lurapxätaxa, aynacht'añaruw puripxasma.

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Josué 9:7

Israelitanakasti uka heveo jaqinakarux sänwa: —Inas jumanakax aka jak'anakan jakasipksta; ¿kunjämarak jumanakampi mä suma amtäwiru mantsnasti? —sasa.

Jueces 6:10

Ukatsti sapxaraksmawa: Nayätwa jumanakan Tatitu Diosamaxa, jichha jakasipkta uka amorreonakan uraqipan utjir diosanakarux jan axsarapxamti, sasa; ukampis jumanakax janiw ist'apkistati’ ” sasa.

Jueces 8:27

Uka qurimpisti Gedeonax mä ídolo lurayäna, uksti Ofrá sat markaparuw uchayäna, Israel markpachaw uka ídolo laykux Tatitut armt'asis jan sum arkapkänti, Gedeonatakisa, wila masinakapatakisa ukax sipitar uñtatänwa.