ukatsti Tatitut mayisïna: “Abraham uywirixan Tatit Diosapay, jichhürux jumakiy yanapt'ita, uywirixar munatamsa uñacht'ayarakita.
Éxodo 3:15 - Qullan Arunaka DC Diosasti Moisesar saskakïnwa: —Israelitanakarux sarakim: “Abraham, Isaac, Jacob uka nayra awkinakaman Tatit Diosapaw nayar jumanakan ukar khithanitu.” Jupax siwa: Akaw nayan wiñayatak amtasiñ sutixaxa, ukaw wiñayan wiñayapatak sutixaxa. Aymar Bibliia 1986 Ucampis Diosajja Moisesarojj sascaquïnwa: —Israelitanacarojja aqham sätawa: “Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.” —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja. Qullan Arunaca Ucampis Diosajja Moisesarojj sascaquïnwa: —Israelitanacarojja aqham sätawa: ‘Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.’ —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja. |
ukatsti Tatitut mayisïna: “Abraham uywirixan Tatit Diosapay, jichhürux jumakiy yanapt'ita, uywirixar munatamsa uñacht'ayarakita.
Tatay, Abraham, Isaac, Israelan nayra awkinakaxan Diosapa, aka amtäwi markaman chuymapan utjayam, juma tuqir chuymap uñtayarakim.
Uka markansti Tatitun mä profetapaw utjäna, Oded sata, jupasti ejerciton Samaria markar mantasinkiriruw jikxatäna, jupanakarusti sarakïnwa: —Nayra awkinakaman Tatit Diosapan Judá markatak q'apisitap laykuw, jumanakan amparamar uka marka katuyapxtam. Jumanakasti wali qhuru chuymampiw jupanakarux jiwayapxtaxa, uka luratanakamax alaxpachkamaw puri.
13 (14) Sartasimaya, Sión markat khuyapt'ayasim, t'aqhisiñ urunakax phuqhasxiwa; ¡pampachxañam urux purinxiwa!
5 (6) Q'apisiñapax mä juk'atakikiwa, munasiñapasti wiñayatakiwa. Jayp'u tuqirutix jachañax puristanixa, willjta tuqirux kusisiñaw utjxistani.
5 (6) Diosax wajchanakan awkipawa, ijma warminakan arxatiripawa, jupax qullan utjäwipan jaki.
¡Reyin sutipax wiñayatakïpan; aytat kankañapasti intir uñtat utjapunpan! ¡Taqpach markanakax jupa tuq askinak katuqapxpan! ¡Taqpach markanakasti “kusisiñanïtawa” sapxpan!
qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!
Q'uchuxax Tatitutakiwa, jupaw ch'amañchirixaxa, qhispiyirixasa. Jupaw Diosaxaxa, juparuw yupaycharakï; jupaw awkixan Diosapaxa, juparuw jach'añcharakï.
Moisesasti ukxarux sarakïnwa: —Nayatix sarasin israelitanakar säxa: “Nayra awkinakaman Diosapaw nayar khithanitu” sasa, ukatsti jupanakax nayar jiskt'apxitani: ¿Kunas sutipaxa? sasa; ukkhasti, ¿kamsarakï jupanakarusti? —sasa.
Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.
Moisesasti Tatiturux wasitat säna: —Israelan jilïrinakapax janiw yäqapkitaniti, janirakiw ist'añsa munapkitaniti, jan ukasti sapxitaniwa: “Janiw Tatitux uñstkpachätamti” —sasa.
—Israelan jilïrinakap nayraqatan uka pachparak luram. Ukhamat iyawsapxani Abraham, Isaac, Jacob uka nayra awkinakaman Tatit Diosapan jumar uñstatapa —sasa.
Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.
Tatay, juman kamachinakarjam sarnaqasaxa, nanakax askin jikxatasipxta. Chuymanakaxasti jumatak lup'iñ munaski.
Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.
¿Kawkinkarak khititix uka jach'a ch'amapsa Moisesar churki ukasti?, ¿kawkinkarak khititix markap nayraqatansa jach'a qutsa payar jaljki, wiñayatak aytatäñap munki ukasti?,
6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.
“Naya, khititix aka uraqi lurki, ukatsti kawkhankañapäkitix ukkhar utt'aykaraki, ukaw sistam:
Nayra awkinakaxan Diosapay, jumaruw nayax yuspagarsma, yupaycharaksma, jumaw yatiñ kankañ churista, ch'am churarakista; jichhasti jumaw mayipksma uk yatiyista: reyir llakisiykän uksa qhanañchapxarakista” sasa.
6 (7) Ukhamasti, israelitanaka, juchanakamat pampachayasiñatak Tatitur mayisipxam; chiqpach chuymamampi, askimpirak sarnaqapxam, ukatsti Tatitumarupun alkatasipxarakim.
Yaqha markanakax pachpa diosanakaparuw jaysapxi, ukampis jiwasanakax Tatit Diosasarupuniw jaysañäni.
“Nayätwa Tatit Diosaxa, nayax pachpakïsktwa. Ukat jumanakax Jacobun wawanakapa, jan tukjatäpktati.
“Nayax Abrahamana, Isaacana, Jacobun Diosapätwa” sänwa. ¡Diosax janiw jiwatanakan Diosapäkiti, jan ukasti jakirinakan Diosapawa! —sasa.
Abraham, Isaac, Jacob nayra awkinakasan Diosapaw Jesús Yuqapar jach'ar apti. Uka Jesusarux jumanakaw jilïrinakar katuyapxtaxa, Pilato nayraqatan jupar jan uñt'ir tukupxaraktaxa, jupax antutañ amtaskatayna ukapacha.
‘Nayax nayra awkinakaman Diosapätwa. Abraham, Isaac, Jacob awkinakaman Diosapa’ sasa. Moisesasti axsarañat khathatïna, janiw uñtañsa munkänti.
¡Awkinakaman Tatit Diosapay jumanakarux waranqan waranqap jiltaypan, arsuwayapktam ukhamarjam aski waxt'äwinak churarakpan!
‘Aka ñanqha jaqinakat janiw maynisa, kuna suma uraqtix nayra awkinakapar churañ arskäyät ukarux mantkaniti,
Moisesasti saskakïnwa: “Jichhasti Israelit jaqinaka, yatichapksma uka kamachi arunak ist'apxam, uka kamachi arunakarjam phuqhas sarnaqapxarakim, kawkïri uraqtix nayra awkinakaman Tatit Diosapax churapkätam ukan jakapxañamataki.
ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.