Éxodo 3:14 - Qullan Arunaka DC

Diosasti sarakïnwa: —NAYÄTWA KHITÏKTIX UKAXA. Israelitanakarusti sätawa: “NAYÄTWA sataw jumanakan ukar khithanitu” sasa.

Aymar Bibliia 1986

Ucat Diosajj Moisesarojj saraquïnwa: —NAYÄTWA QHITÏCTEJJ UCAJJA. Uqham sasaw israelitanacarojj säta: “NAYÄTWA sisqui ucawa qhithanitu jumanacan ucarojja” sasa.

Qullan Arunaca

Ucat Diosajj Moisesarojj saraquïnwa: —NAYÄTWA QHITÏCTEJJ UCAJJA. Uqham sasaw israelitanacarojj säta: ‘NAYÄTWA sisqui ucawa qhithanitu jumanacan ucarojja’ sasa.

Éxodo 3:14 Jak'a apnaqawi uñst'ayäwi

Job 11:7

¿Jumasti amuytati Tatitun amtäwinakap uñt'aña, taqi munañ kankañap yatiñkam puriñsa?

Salmos 68:4

4 (5) Diosar q'uchupxam, sutipar jach'añchapxam; qinay patan sarnaqirir jach'añchapxam. ¡Tatitump kusisipxam! ¡Nayraqatapan k'uchisipxam!

Salmos 90:2

Qullunak janïr utjkipana, akapachas janïr utjkipana, wiñayan wiñayapatakiw jumax Diosätaxa.

Éxodo 15:3

Tatitux ch'aman nuwasiriwa. Sutipax Tatituwa.

Éxodo 23:21

Janiw jupat saraqätati, juparuw jaysäta, janiw jupatak sayt'asïtati, janiw jumanakan juchanakam pampachkaniti, jupax nayan sutixaruw taqi kuns luri.

Éxodo 3:13

Moisesasti ukxarux sarakïnwa: —Nayatix sarasin israelitanakar säxa: “Nayra awkinakaman Diosapaw nayar khithanitu” sasa, ukatsti jupanakax nayar jiskt'apxitani: ¿Kunas sutipaxa? sasa; ukkhasti, ¿kamsarakï jupanakarusti? —sasa.

Éxodo 6:2

Diosax Moisesar akham säna: —Nayätwa TATITUXA.

Éxodo 6:3

Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

Isaías 42:8

Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Mateo 18:20

Kawkhantix paninisa, kimsanisa sutixaru tantachasixa, nayax jupanak taypinktwa” sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Juan 8:24

Ukatpï sapxsmaxa: “Juchanakaman jiwarapxäta” sasaxa; jumanakatix jan iyawsapkitäta nayax khitïktix ukxa, juchanakaman jiwarapxäta —sasa.

Juan 8:28

Ukat Jesusax jupanakar säna: —Kunapachatix jumanakax Jaqin Yuqapar cruzar ch'akkatapkäta ukkhaw khitïktix nayax uk yatipxäta, jan kunsa nayan munañaxat lurataxa; kuntix Awkix yatichkitu uk arsutaxsa yatipxarakïta.

Juan 8:58

Jesusasti jupanakarux sarakïnwa: —Qhanak sapxsma, Abrahamax janïr yurkän uka nayratpach nayax utjta —sasa.

2 Corintios 1:20

jupanarak Diosan arsutanakapax phuqhasi. Ukatpï Diosar yupaychktan ukkhax “Ukhamäpan” sistanxa, Cristo Jesús tuqi.

Hebreos 13:8

Jesucristox wasürusa, jichhürusa, wiñayas pachpakïskiwa.

Apocalipsis 1:17

Jupar uñjasasti, kayunakap nayraqataruw jiwatjam liwista. Ukampis jupax kupi amparapampi luqxatasaw nayar situ: “Jan axsaramti; nayätwa qalltasa tukuyasa,

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.