Éxodo 28:1 - Qullan Arunaka DC

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Aymar Bibliia 1986

“Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.

Qullan Arunaca

“Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.

Éxodo 28:1 Jak'a apnaqawi uñst'ayäwi

1 Crónicas 23:13

Amram chachan wawanakapa: Aarón, Moisés. Aarón chachax Tatitun ajllitänwa, qullan waxt'äwinak luqtañapataki, Dios nayraqatan incienso nakt'ayañataki, luqtañataki, ukatsti aski arunak arsuñapataki, uka lurañanaksti Aaronampi, wawanakapampix wiñayatakiw lurapxañapäna.

1 Crónicas 6:10

10 (36) Johanán jaqix Azarías chachan awkipänwa, jupasti Salomonax Jerusalenan Tatitun utap luraykäna ukan sacerdotënwa.

1 Crónicas 6:34

34 (19) jupax Elcaná chachan yuqapa, jupax Jeroham chachan yuqapa, jupax Eliel chachan yuqapa, jupax Tóah chachan yuqapa,

2 Crónicas 11:14

levitanakasti uywa awatiñ uraqinakapsa, yapunakapsa apanukuwayapxänwa Jerusalenaru sarxañataki, ukhamarak Judá uraqinkir yaqha chiqanakar sarxañataki, Jeroboam reyisa, jupa lanti utt'asir reyinakas Tatitur luqtañ luräwinakat jupanakar jark'apxatap layku.

Salmos 115:10

Sacerdotenaka, ¡Tatitur iyawsapxam! Jupaw yanapistu, arxatarakistu.

Salmos 99:6

Moisesampi Aaronampix jupan sacerdotenakapänwa; Samuel profetax jupan luqtiripänwa. Jupanakax Tatituruw yanap mayipxäna, Tatitusti mayitanakaparux ist'änwa.

Éxodo 24:1

Tatitux Moisesarux sänwa: —Nayan ukar makhatanim, Aarón, Nadab, Abihú, israelitanakan paqallq tunka jilïrinakapampi; ukampis janiw jak'achasinipxitätati, jaya chiqar purisin ukawjaruw killt'asipxäta.

Éxodo 24:9

Moisesasti qulluruw makhatäna Aaronampi, Nadab, Abihú, ukhamarak Israelankir paqallq tunka jilïr jaqinakampi.

Éxodo 28:41

“Uka isinakampiw Aarón jilamarusa, wawanakaparus isithapiyäta, ukatsti aceitempiw p'iqit warxatäta ukhamat jilïr kankañanïpxani, nayan sacerdotenakaxar tukuyas luqtarakïta.

Éxodo 29:1

Diosax Moisesar sacerdotenakar luqtañxat parlaskakïnwa. Jupasti sänwa: “Nayar luqtirinak sacerdote kankañ katuqayañatakix akham luräta: Mä vaca qallu katüta, pä k'umar urqu ovejanakampi.

Éxodo 29:44

Jikisiñ Carpampi, altaramp nayatakiw yaqhachä, Aaronampiru, wawanakapampirus nayan luqtirixatakiw yaqhachä.

Éxodo 29:9

Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani.

Éxodo 30:30

“Uka aceitempiw Aaronampiru, wawanakapampirux warxatarakïta, nayan sacerdotenakaxar tukuñapataki.

Éxodo 31:10

p'itat isinaka, Aarón sacerdoten suma isinakapa, wawanakapan sacerdote kankañ luräwi phuqhapxañapatak isinakapa,

Éxodo 35:19

qullan chiqawjan yupaychäwi lurañatak p'itat isinaka, Aarón sacerdoten qullan isinakapa, ukatsti wawanakapan sacerdote isinakapa.”

Éxodo 6:23

Aaronasti, Aminadab chachan Eliseba phuchhapampiw jaqichasïna, Naasón chachan kullakapa. Aaronan wawanakapasti: Nadab, Abihú, Itamar, Eleazar, jupanakawa.

Levítico 10:1

Nadab, Abihú chachanakax Aaronan yuqanakapänwa, jupanakasti nina sank'a uchañ katusinxa, ukaru ninampi, inciensompi apxatasin Tatit nayaraqatan luqtapxäna, uka ninasti mayjänwa, janiw kunjämtix Tatitux siskatayna ukhamar lurapkänti.

Levítico 10:12

Ukxarusti Moisesax Aaronampiru, ukatsti Eleazar, Itamar uka pani yuqapampiruw säna: —Tatitutak nakt'ayas luqtatäki uka granonakat jilt'ki ukanak apsunipxam, uksti jan levaduranik altar jak'an manq'apxam, ukan aski qullanätap layku.

Levítico 7:35

Kuna waxt'anakatix Tatitutaki nakt'ayatäki ukanakax Aaronampiru wawanakapampiruw wakt'i, kunürutix Tatitux jupanakar sacerdotëpxañapatak utt'ayaski uka uruta.

Levítico 8:1

Tatitux Moisesaruw parläna, akham sasa:

Levítico 8:2

“Jichhax Aaronampiru, wawanakapampir irpxarum, ukatsti sacerdotenakan isinakapa, luqtañatakïki uka aceite, kuna urqu vacatix jucha luratata Tatitur luqtaski uka, paypach urqu ovejanaka, uka kipkarak kawkïri walayatix jan levaduran t'ant'anaka churañatak uskutäki taqi ukanak apxarum,

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Números 2:4

jupanakasti jakthapitarjamax paqallq tunka pusin waranqa suxta patakan chachanakawa.

Números 26:61

Ukampis Nadab chachampi, Abihú chachampix, Tatitun iwxt'apar jan ist'as incienso luqtapxatap laykuw jiwarapxäna.

Lucas 1:8

Mä uruw Zacarías sacerdoten tamaparux Tatitun utapan incienso luqtañax wakt'äna,

Deuteronomio 10:6

Israelitanakasti Beerot-bené-jaacán sat chiqat mistuwayasax Moserá sat chiqaruw puripxi. Uka chiqan Aarón chachax jiwxäna, amayapsti ukan imt'xapxarakïna, ukatsti Eleazar yuqapaw jupa lanti sacerdotexäna.

Deuteronomio 18:5

Tatit Diosamaw taqpach ayllunak taypit jupanakar ajllisi, awkinakapat wawanakapkama, Tatitun sutipar wiñay luqtapxañapataki.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.