Éxodo 26:32 - Qullan Arunaka DC Ukatsti, qurit lurat t'iriñanakamp chhitharasaw acacia lawat lurat pusi sayirinakar warkt'äta. Uka sayirinakasti qurimpi lip'ikipatäñapawa, qullqit lurat pusi takxäsirinakxar uchatäñapawa. Aymar Bibliia 1986 Ucatsti acacia sat lawat lurat pusi postenacaru warct'am, korit lurat ganchonacampi caturayasa. Ucampis uca poste lawanacajj patata korimpi lip'suyatäñapawa, aynacharusti kollketa lurat planchampiraquiw uchäta sapa posteru mä planchampi. Qullan Arunaca Ucatsti acacia sat lawat lurat pusi postenacaru warct'am, korit lurat ganchonacampi caturayasa. Ucampis uca poste lawanacajj patata korimpi lip'suyatäñapawa, aynacharusti kollketa lurat planchampiraquiw uchäta sapa posteru mä planchampi. |
Reyin jach'a utap anqäxasti suma k'achacht'atänwa, janq'u, sajuna cortinanakamp warkurt'ata, uka cortinanakasti linot lurt'at chupika wiskhar chint'atänwa, uka wiskhasti qullqit lurat argollanak taypi sarakipata, mármol qalat lurat sayir pirqanakar acht'ayatänwa. Ukatsti qurita, qullqit lurat qunuñanak uchapxarakïna, uta pampax janq'umpit ch'iyarampit suma k'ajkir qalanakampi uchatänwa.
“Ukxarusti morado telat mä cortina luräta, sajuna telata, wila telata, suma lino k'anthitata, uka cortinxarusti pä chhiqhaninak sum p'itakipayäta.
Ukat uka cortinxa t'iriñanakampiw warkt'äta, ukatsti uka qhipäxarux arust'äwi lurat arca uchäta. Ukhamat uka cortinax jumanakatak Qullan Chiqawjampi, Qullanansa Qullanap Chiqawjamp jaljani.
Ukxarusti uka cortinatakix acacia lawat phisqa sayirinak luräta, uka lawanaksti qurimpiw lip'suyarakïta, qurit lurat t'iriñanakapampi, uka sayirinak achuntayañatakisti bronce umatatayasaw takxäsirinakap luräta.
Ukxarusti phisqa sayirinak lurarakïna t'iriñanakapampi, broncet lurat takxäsirinakapamppacha, ukatsti qurimpiw sayirinakapa, anillonakapsa lip'ikipayäna.