Éxodo 24:12 - Qullan Arunaka DC Tatitux Moisesar sänwa: —Qullur makhatanim, nayan ukaru, ukan suyt'ita, nayasti qalat lurat tablanak churäma, ukaruw nayax kamachinakampi, kamachi arunakamp qillqta israelitanakar yatichañataki —sasa. Aymar Bibliia 1986 Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa. Qullan Arunaca Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa. |
Ukat Tatitux jupar säna: “Anqar mistunim, ukatsti qullu patxan nayraqataxan sayt'asim” sasa. Ukapachaw Tatitux uka chiqa sarakipawayäna, ukatsti mä jach'a wali ch'aman thayaw qullu allinuküna, qarqanaksti Tatitun nayraqatapan jaljtayarakïna; ukampis Tatitux janiw uka thayankkänti. Uka thaya qhipatsti mä uraqi khathatiw utjarakïna; ukampis Tatitux janiw uka uraqi khathatinkkänti.
Esdrasax taqi chuymaw Tatitun kamachipxat yatxataña, ukhamarjam phuqhañsa amtasïna, ukatsti israelit jaqinakar Tatitun kamachinakapa, arsüwinakap yatichañaraki.
“Ukatsti Sinaí qulluruw saraqantaxa, jupanakampiw alaxpachatpach parltaxa; jupanakarusti suma aski arsüwinak churtaxa, chiqpach yatichäwinaka, suma kamachi arunakampi.
Jupanakarux yaticharaktawa sábado uru jumatak imapxañapataki; ukatsti Moisés luqtirim tuqiw kamachi arunaka, chiqpach yatichäwinak jupanakar churaraktaxa.
12 (13) Janiw khitis pantjasitap amuyaskasamachiti. ¡Tatay, jan amuyaskasin juchanak lurataxat q'umacht'asita!
Mä urusti, Moisesax Diosampi jikisiriw Sinaí qullur makhatäna, Tatitusti qullu patatpach jawsasin jupar sarakïna: —Jacobun israelita wawanakapar aka arunak yatiyam:
Ukham sasinsti, Moisesax qulluruw makhatäna, uka qullurusti qinayaw wali urpxatäna.
Moisesasti qinay taypinjam qullurux makhatäna, ukatsti pusi tunka urumpi, pusi tunka arumampiw qullunkäna.
Juma sapakiw nayan ukar jak'achasinïta; mayninakax janiw jak'achasipxañapäkiti, jaqinakas janirakiw jumamp chikax makhatapxañapäkiti —sasa.
Tatitux Sinaí qullun Moisesar parlañ tukt'aykän ukapachaw, tunka kamachinakan qillqantat pä qala tablanak jupar churäna, ukanakasti pachpa Diosan ampar luk'anapamp qillqatänwa.
Ukampis jaqinakax Moisesan qullut jan jank'as saraqanxatapatxa, Aaronaruw sapxäna: —Moisesaw Egipto markat irpsunipxitu, jichhasti janiw jupat kunas yatiskxiti, nanakar irpañapatakix diosanak lurarapipxita —sasa.
Tatitusti Moisesar sänwa: —Jichhasti nayrïr tablanakar uñtat pä qala tablanak wakicham, nayasti ukaruw qillqä jumax t'unjkta uka nayrïr tablanakxar qillqatäkän uka pachpa kamachinaka.
Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.
Ukatpï sapxsmaxa, khititix uka kamachinakat mä jisk'a kamachikïkchi ukasa jan phuqkani, janirak jaqinakarus ukarjam sarnaqañapatak yatichkani ukaxa, jupasti alaxpach markan mä jisk'at uñt'atakïniwa. Ukampis khititix kamachi phuqhani, ukat yaqhanakar ukham phuqhañapatak yaticharakini ukasti, alaxpach markan jach'at uñt'atäniwa.
Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.
Moisesan kamachipax mä sillp'a qalanakar qillqsutänwa, qhapaq qhanampi muyuntatänwa, israelita jaqinakas janiw uka qhana laykux Moisesan ajanup uñkatirjamäpkänti, ukampisa, uka qhanax chhaqtawayxakïnwa. Uka jiwañatak juchañchañataki kamachitix qhapaq qhanampi muyuntatächïnxa,
Nayaruw Tatitux iwxitu kamachinakapa, arsutanakap jumanakar yatichañataki, churapkätam uka uraqin phuqhañanakamataki.
“Aka arunaksti Tatituw jach'at parläna, kunapachatix taqi jumanakax qullu kayun tantachasipkta ukapacha. Arupasti nina taypita, mä ch'iyar qinay taypit mistunïna. Tatitux pä qala tablanakaruw kamachinak qillqäna, uksti nayaruw katuyitu, ukatsti janiw kunampsa arskxänti.
ukampis jumax akankañatakiw kuttanïta. Kamachinak katuyäma jupanakar yatichañamataki, ukhamat jupanakax uka kamachi arunakarjam kuna uraqtix churkä ukan sarnaqapxañapataki’ sasa.
ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.