Éxodo 20:5 - Qullan Arunaka DC Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta; Aymar Bibliia 1986 Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa. Qullan Arunaca Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa. |
Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.
uka jaqin wawanakapat paqallqunir nanakar katuyapxita, nanakasti uka wawanakaparux Guibeá chiqankir Saúl reyin markapan Tatitu nayraqatan warkkatapxä —sasa. Reyisti uka wawanakapar katuyañ iyawsänwa,
Jupasti sänwa: “Nayan jumar jaysataxaw walpun llakisiyitu, jumax taqi ch'aman Dios Tatitütawa. Israelitanakax jumampi lurat arust'äwi apanukupxi, altaranakamsa allinukupxiwa, profetanakamarusti jiwarayapxarakiwa. Naya sapakiw qhiparxta, jichhasti jiwayañatakiw thaqhasipkitu” sasa.
“¿Kunjämtix Ahab reyix naya nayraqataxan jisk'ar tukki uk uñjtati? Nayan nayraqataxan jisk'ar tukutap laykuxa, janiw kuna ñanqhsa jupan jakañapkamax wila masinakapar apayankäti, jan ukasti yuqapan jakañapan ukxa apayanï” sasa.
Kunapachatix Tatitux jupanakamp suma arust'äwi lurkän ukkhasti, jupanakarux sänwa: “Janiw yaqha diosanakar yupaychapxätati, janirakiw jupanakar wilañchanak waxt'asa luqtapxätati.
Ukhamäkipansa, Tatitux Judá uraqinkirinakatak q'apisitakïskänwa, Manasés reyin jan wali luratanakapax juparu ñanqhachatayna uka layku.
Ukampis nayax Tatituruw achikt'asta, lurkä ukat nayar pampachañapataki: kunapachatix reyixax Rimón sat diosan templopar yupaychir sarkani, ukatsti amparaxar katt'askani, nayasti uka templon killt'asiñaxäkani ukkhaxa, Tatitux uka lurataxat pampachitpan —sasa.
Ukhamasti, Naamán chachan churäwip katuqasitamatxa, lepra usupax jumaruw wiñayatak makhatätam, ukhamarak jumat saraqiri wawanakamarusa —sasa. Guehazí uywatasti Eliseon jak'apat mistuwayxäna, lepra ususti janchipan khunur uñtat janq'ünwa.
Amasías reyix Edom chiqankir jaqinakar atipjas kutt'anxasinxa, jupax Seir chiqankir diosanak apasinïna, ukatxa jupan diosanakapat uñt'asïna, ukanakarusti inciensonak nakhayasaw yupaychäna.
Ukampis jumanakatix nayat saraqapxitäta, janirak kawkïr kamachinaktix churapksma ukanakarus phuqhapkäta, jan ukasti yaqha diosanakar luqtapxäta, yupaychapxarakïta ukaxa,
Satarakiwa: “Diosax awkinakapan juchanakapat wawanakaruw t'aqhisiyi” sasa. Ukampis pachpa ñanqha lurir jaqiw t'aqhisiskañapa, juchapatsa phuqhaskañaparaki.
Wawanakapax janiw khiti yanapt'irsa jikxataskiti; taripañ utanakansti janiw jupanakarux chiqapar uñjapkiti, janirakiw khiti arxatiris jupanakatak utjkiti.
Awkipan ñanqha luratanakap Tatitux amtaspan, taykapan juchapsti janirak pampachpati;
Jucha lurañ altaranakapampiw Diosarux q'apisiyapxäna, akapach diosanakar yupaychatapampiw Diosan chuymap mayjt'ayapxäna.
Nayra awkinakaxan juchanakapatxa, janikiy nanakar mutuyapxistati; ¡khuyapayasiñamax jank'akiy purinpan, nanakax aynacht'ataw uñjasipxta!
15 (16) Tatitur uñisirinakax axsarañat liwirtapxaspa, juchañchäwipasti jan mayampitakïspawa.
Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.
“Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.
ukampis nayar apanukurixa, jakañap aynacht'añaruw apaski; ¡nayar uñisiñax jiwar munasiñawa!”
Ukatsti jaqix uka quqanakan jisk'a lawanakapxa, nina phichhañataki, ukamp junt'uchasiñatakiw apasi, jan ukax horno junt'uchasin t'ant'a lurañatakiw apasi; mayninakasti uka lawanakatxa mä dios lurasiñatakiw apasipxi, ukhamat uka diosar killt'asis yupaychañataki.
Sum amuyt'asiñatakix yatiñ kankañapas janiw utjkiti, ukat sapxañapataki: “Chikat lawampix nina naktayapxta, ukampiw t'ant'a lurasipxta, aychsa kankasipxarakta ukhamat manq'atäpxañaxataki; ukat jilt'ki uka lawatsti mä axtaskañ dios lurapxarakta, ¡jichhax kunarutix yupaychasipkta ukax mä jisk'a lawakiwa!” sasa.
“Ukat naya, Tatitux arsta: Jucha taripirinak nayraqataruw apapxäma, jumanakampiru, wawanakamampiru, allchhinakamampiru.
Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!
Jumanakasti jiskt'apxitätawa: ‘¿Kunatarak wawasti awkipan juchanakap layku jan mutuyatäkisti?’ sasa. Nayasti sapxämawa: Wawax kunatix chiqapäki, kunatix askïki uk luri, taqi kamachinakaxsa phuqharakiwa; uka wawan wakisiw jakaskañapa.
“Israel markankirinakasti sapa kutipuniw aka säwi parlapxi: ‘Awkinakan luratanakapxa, wawanakapaw phuqhapxi’ sasa. Kunatsa ukham parlapxpacha sasaw jiskt'asta.
Nayasti taqpachaniruw sarakta uka axtaskañ diosanakap apanukxañapataki, Egiptonkir diosanakampis jan q'añuchasipxañapa, naya Tatitun jupanakan Diosapätax layku.
“Ukatpï jichhax naya, Tatitux sistxa: Jichhax taqi Israel markpachat khuyapt'ayasï, Jacobun taqi wawanakapata. Israelan sarnaqäwipax sumar tukutäxaniwa, ukhamat nayan qullan sutixax suman uñjatäñapatak wayt'arakï.
Uka jaqisti mä amparampjamaw luqtanisax ñik'utat katuntitu. Ukat Tatitun ch'amapax alayar tuytayitu, Tatitux unañchäwinak tuqiw Jerusalén markar irpitu, ukatsti marka manqhana amsta tuqi uñtatäki uka punku chiqaruw sayt'ayitu, uka chiqanarak Tatitur q'apisiyiri idolox jikxatasïna.
Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;
Ukampis jan qhispiyapkitani ukasa, juma jach'a reyix yatiñamawa, janipuniw nanakax diosanakamar yupaychapkäti, janirakiw qurit lurat uka dios nayraqatansa killt'asipkäti —sasa.
naya pachpaw uka jaqirux wila masinakapamppach mutuyä, markapatsa apanukurakïwa. Janiw jupa saparukit apanukkäxa, jan ukasti, taqi khitinakatix Moloc diosar yupaychapkäna ukanakaruw apanukü.
“Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.
Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.
“Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.
wawanakamasti pusi tunka maraw aka wasaran ovejanak awatis sarnaqapxani. Ukhamat jupanakax jumanakan jan iyawsatanakam phuqhapxani, jumanakan taqpachan aka wasaran jiwarapxañamkamaw suyt'apxani.
—Finees chachaw israelitanakatak q'apisitax apaqitu, jupax nayan aytat kankañax waqaychi, ukat nayax israelitanakar q'apisiñaxan atipat jan taqpach jiwaraykti.
akham sasa: —Jumatix killt'asisin nayar yupaychitäta ukax taqi aka markanak churäma —sasa.
“Akapachankirinakatix jumanakar uñisipxstamxa, yatipxam, nayaruw nayraqat uñisipxitäna.
Akapachankirinakax janiw jumanakar uñisipkiristamti; ukampis nayarux uñisipxituwa, nayan jupanakar jan wali luratanakap irkatatax layku.
Yatiqirinakapasti Jesusarux jiskt'apxänwa: —Yatichiri, ¿kunatarak aka jaqisti juykhu yuristi? ¿Awkinakapan juchap laykuti, jan ukax jupan juchap laykucha ukham yurixa? —sasa.
Mayninakat jan walinak parlapxi, Diosan uñisirinakapäpxiwa, jan yäqasirinaka, taqi kunan jilankirinaka, jach'a jach'a tukurinaka; jan walinak sartayapxi, awkiparus taykaparus janiw jaysapkiti,
Janchin munañaparjam luririnakax Diosan uñisirinakapawa, jupanakax janiw Diosan kamachipar munapkiti, janirakiw arunakaparus jaysapkaspati.
Jan ukax ¿Tatituruch q'apisiyañ munasipkaktanxa? ¿Jiwasax Tatitut sipan juk'ampi ch'amanïtanti?
Jan diosäki uka diosampiw phiñasiyapxitu, uka inamay diosanakampiw q'apisiyapxarakitu; ¡nayasti jan markäki uka markampiw phiñasiyä, jan amuyt'asiñ munir markampiw q'apisiyarakï!
lliphipkir espadax ariptayä, uñisirinakaxar phuqsusiñataki. ¡Nayar uñisir jaqinakarux luratapatjam churä!
ukampisa munasiñampiw uñjarakta, khitinakatix nayar munasipkitu, kamachi arunakaxsa phuqhapkaraki jupanakan waranqa mita wawanakan saraqirinakaparusa.
Janiw ukanakar killisïtati yupaycharakïtasa; nayätwa Tatit Diosamaxa, janiw yaqhampïpxañam munkti. Nayasti nayar uñisiri awkinakan juchanakapat wawanakapan wawanakaparuw mutuyta;
Jumanakampïki uka Tatitu Diosamasti janiw yaqhampïpxañam munkiti, jupasti jumanakatakiw q'apisispa, ukatsti q'alpun jumanakar t'unjapxiristam.
¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.
janitix jumanakax kawkïr arust'äwtix Tatitux jumanakampi lurki ukar phuqhapkäta ukapacha. Jumanakatix yaqha diosanakaru yupaychasina jupanakatak alt'asipxäta ukaxa, Tatitusti jumanakatakix q'apisiniwa, ukatsti jank'akiw jupan churat aka suma uraqit chhaqtayapxätam” sasa.
Jumanak taypin jakapki uka yaqha markankir jaqinakampix janipun chikachasipxamti, janiraki diosanakaparus yupaychapxamti, jaysapxamsa; sutinakapsa janipun aytasipxamti, jupanak laykus juramento lurapxamti.
Ukampis Josué chachax jupanakarux sänwa: —Jumanakax janjaw Tatitur luqtapkasmati, jupax qullana jan kamskaya Diosawa, janiw jumanakan sayt'asitanakamsa, jucha luratanakamsa inak uñjkaniti.
Kunapachatix uka jilïrix jiwxän ukkhasti, jupanakax wasitat uka jan wali lurañanakaru kutt'apxäna, nayra awkinakapat sipansa juk'ampi jan waliw tukupxäna, yaqha diosanakar luqtasa, yupaychasaraki. Janiw jupanakax jan wali luräwinakapsa, sarnaqäwinakapsa apanukupkänti.