Éxodo 2:6 - Qullan Arunaka DC

Canasta jist'arasinsti, uka manqhin mä wawa jikxatäna, wali jachatap laykusti faraonan phuchhapax uka wawat khuyapt'ayasisin säna: —¡Akax mä hebreo wawarakisä! —sasa.

Aymar Bibliia 1986

Apsunisasti faraonan phuchapajja uca canasta jist'aräna, ucampis uca mankhena wawajj wali jachatap laycusti qhuyapt'ayasaw arsüna: —¡Acajj hebreonacan wawaparaquisä! —sasa.

Qullan Arunaca

Apsunisasti faraonan phuchapajja uca canasta jist'aräna, ucampis uca mankhena wawajj wali jachatap laycusti qhuyapt'ayasaw arsüna: —¡Acajj hebreonacan wawaparaquisä! —sasa.

Éxodo 2:6 Jak'a apnaqawi uñst'ayäwi

1 Reyes 8:50

Markamarusti juma nayraqatan jucha luratanakapata, jumatak sayt'asitanakapatsa pampacham, ukatsti jupanakar katuntasin apirinakarusti khuyapayasiñ chuyma churam markamat khuyapayasiñapataki.

Nehemías 1:11

Dios Tatay, achikt'assmawa, mayisitax ist'itaya, jumar yupaychañ munir luqtirinakaman achikt'asitanakapsa ist'amaya. Jumakiy reyir suma chuym churam nayar katuqañapataki, ukhamat amtäwixan sum phuqhasiñapataki” sasa.

Salmos 106:46

jupanakar katuntirinakampis khuyapayasiñampiw uñjayäna.

Éxodo 1:22

Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.

Éxodo 2:5

Uka qhipatsti, faraonan phuchhapaw jawirar jariqasir jutaskäna. Jupar luqtir tawaqunakamp chika jawir thiyan sarnaqañkamasti, akatjamat totoranak taypin uka canasta uñjäna, ukatsti mayni uywataparuw uka canasta apsur khithäna.

Éxodo 2:7

Ukat uka wawan kullakapax faraonan phuchhapar jikxatasin säna: —¿Jumatak walïspati hebrea warminak taypit mayni irpanirista aka wawar uñjañapataki? —sasa.

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Jeremías 34:9

Uka arust'äwisti akhamänwa: Janipuniw khiti israelitasa marka masinakaparux t'aqhisiyañapäkänti, jan ukasti antutnukxañapänwa.

Hechos 7:21

Ukatsti wawarux apanukupxänwa, ukampis Egiptonkir reyin phuchhapaw uka wawa aptasïna, wawarusti wawapäkaspas ukham uywasïna.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.