Éxodo 19:21 - Qullan Arunaka DC

Tatitusti Moisesarux sänwa: —Saraqasin israelitanakaruw yatiyäta, chimputäki uka chiqat janipun nayar uñjañatak makhatanipxpati, jan ist'asis jak'achasinipxaspa ukaxa, waljaniw jiwaraspa.

Aymar Bibliia 1986

Ucat Tatitusti Moisesarojj sänwa: —Sarasinjja yatiyam israelitanacarojja, chimpt'atäqui ucjja jan pasanipjjpanti nayaru uñjañataquejja. Jupanacatejj jan ist'asis pasanipjjani ucajja waljaninacaw jiwarapjjani.

Qullan Arunaca

Ucat Tatitusti Moisesarojj sänwa: —Sarasinjja yatiyam israelitanacarojja, chimpt'atäqui ucjja jan pasanipjjpanti nayaru uñjañataquejja. Jupanacatejj jan ist'asis pasanipjjani ucajja waljaninacaw jiwarapjjani.

Éxodo 19:21 Jak'a apnaqawi uñst'ayäwi

Éxodo 3:3

Ukat jupax säna: “¡Kunarakïpacha, wali mayjarakisä! ¿Kunatsa uka ch'aphix jan nakhantkpacha? Uñjanipunï” sasa.

Éxodo 3:5

Ukat Tatitux sarakïna: —Jan jak'achasinimti, wiskhum apsusim, kawkhankktatix uka uraqix qullanawa.

Éxodo 33:20

Ukampis sismawa: “Janiw ajanux uñkatkitasmati, khititix ajanux uñkatitanixa, uka jaqix jiwaniwa” sasa.

Eclesiastés 5:1

1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Números 4:15

Aaronampi, wawanakapampix taqi uka qullan yänak llawthapiñ tukuyxapxani, sarantañatakis niya jank'akïpxarakini ukapachasti, Quehat chachan wawanakapaw jutapxani, taqi uka yänak apañataki. Ukampis kunatix qullanäki ukxa janiw llamkt'apxañapäkiti, jupanakan jan jiwapxañapataki. Quehat chachan wawanakapax, taqi aka qullan yänak Tatitump Jikisiñ Carpat apapxañapa.

Números 4:18

“Jan jumanakax munapxamti, levitanak taypit Quehat chachan wila masinakapan chhaqtapxañapa.

Números 4:19

Jan jupanakan qullan yänak llamkt'apxatap layku mutuyat uñjasis jiwasipkañapatakix, akanak lurapxañapa: Aaronampi, wawanakapampiw sapa maynir unañchani, kunanaktix lurapxañapäki, kunanaktix apapxañapäki ukanaka.

Números 4:20

Ukhamat jupanakax kunatix qullanäki ukanak uñjir jan mantapkaniti, janirakiw jiwapkanisa.”

Deuteronomio 5:5

Nayasti ukankaskäyätwa, Tatitumpi jumanakampi uka chika taypina, Diosan arunakap jumanakar yatiyasa, jumanakasti ninaru axsarapxatamat qullurux jan makhatapktati. Tatitusti akham säna:

1 Samuel 6:19

Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.