Éxodo 17:13 - Qullan Arunaka DC Josué chachasti espadampkamaw amalecitanakarux atipjäna. Aymar Bibliia 1986 Ucatsti Josué chachajja amalecitanacarojj espadampcamaw tucjäna. Qullan Arunaca Ucatsti Josué chachajja amalecitanacarojj espadampcamaw tucjäna. |
Moisesax amparanakap alayar luqtkäwix qarjtxänwa, ukat Aaronampi, Hur chachampix mä qala patxar Moisesar qunt'ayasin Moisesan amparanakap purapäxat katxäsipxäna, maynix maysata, maynisti maysataraki. Ukhamat Moisesan amparanakapax intin jalantañapkam jan qarjaskänti,
Uka qhipatsti, Tatitux Moisesar akham sarakïna: —Kunatix aka nuwasïwin luraski ukxa qillqam, jan khitin armasiñapataki; Josué chacharusti sarakim, nayaw amalecitanakarux jan mayampitak chhaqtayä —sasa.
Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.
Uka pachpa urusti, Josué chachax Maquedá markar katuntasax q'alpun tukjäna; uka markan jakirinakarux espadampkamaw jiwarayäna, janirakiw maynis jakkänti. Maquedá markankir reyiparux kunjämtix Jericó markankiri reyirux lurkatayna uka kipkarak luräna.
Pä uru qhipatsti Tatitux Laquis marka jupanakar katuyäna, ukatsti kunjämtix Libná markan lurapkatayna ukhamarak israelitanakax taqi jaqinakaru, ukan utjir uywanakarux espadampkamaw jiwarayapxäna.
Kunapachatix katuntxapxän ukkhaxa, q'alpun tukjapxäna, ukatsti reyiru, taqi jaqinakaru, ukan utjir uywanakaru, uka jak'an jakir jaqinakarus espadampkamaw jiwarayapxäna, kunjämtix Eglón markar lurapkatayna ukhama.
Uka pachparaki kawkïr markanakatix uka arust'äwiru mantañataki jaysapkatayna uka markanakarux luräna: markanakar katuntasax reyinakaparuw jiwarayäna, ukatsti q'alpun tukjäna, kunjämatix Tatitun luqtiripa Moisesax siskatayna ukhamarjama.