Diosax ajllit markaparux ukham irpsunïna, kusisiñat arnaqt'asisaw mistunxapxäna,
Éxodo 14:8 - Qullan Arunaka DC Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna. Aymar Bibliia 1986 Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani. Qullan Arunaca Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani. |
Diosax ajllit markaparux ukham irpsunïna, kusisiñat arnaqt'asisaw mistunxapxäna,
Ukampis Tatitux faraonan chuymap qalarayäna israelitanakar jan khithanukuñapataki.
Ukhamasti, akham lurañaxa amparanakamana, paranakaman mä chimpükaspas ukhamäñapawa, Tatitux jach'a ch'amapampi Egipto markat irpsunkistu uk amtasiñataki.’ ”
Ukat Tatitux israelitanakar wasaranjam Mar Rojo qutar sarki uka thakhinjam muytayäna. Israelitanakax mä ejercitor uñtataw Egiptot mistsuwayapxäna.
‘Aka uruyäwisti jumanakatakix amparanakamana, paranakaman mä chimpükaspas ukhamäniwa. Ukaw jumanakarux amtayapxätam Tatitun kamachi arupa wiñay parlapxañamataki, jupaw jach'a ch'amapamp Egipto markat irpsunipxtam.
Nayaw egipcionakarux chuymap qalarayä jumanakar arktaniñapataki; ukat faraonar nayan ch'aman kankañax uñacht'ayä, ukhamarak carronakaparu, caballonakaparusa.
Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.
Egipton utjir taqpach carronakat suxta patak suma carronak ajlliyäna, sapa mayni jilïrinakasti mä carrot sarapxäna.
Uñisirinakaxax amuyataynawa: ‘¡Jikxatañkam jupanakar arktañäni! ¡Jupanakar tukjañäniwa! ¡Jupanakat aparkañäni ukanaksti, kusisitaw lakinuqasiñäni! Espada apsusï, amparaxaw jupanakar tukjani’ sasa.
Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.
Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.
Ukampis Tatitux faraonan chuymap qalarayänwa, ukhamat Moisesampiru, Aaronampiru jan ist'añapataki, kunjämtix Tatitux Moisesar siskatayna ukarjama.
Nayätwa jumanakan Tatit Diosamaxa, nayaw jumanakarux Egiptot irpsunipxsma ukan jan juk'amp t'aqhisiyat sarnaqasipkañamataki; kuna t'aqhisiñatix jumanakxankkäna uksa nayaw apaqapxsma, ukatsti p'iqis waytat sarnaqayapxsma.
Israelitanakax nayrïr phaxsina, tunka phisqan uru saraqataruw Ramsés uraqit mistunipxäna, Pascua uruyäwit qhipüru. Jupanakax wali ch'amaniw mistunipxäna, taqpach egipcio jaqinakan uñjkata.
Israel markan Diosapax jiwasan nayra awkinakasaruw ajllïna. Jupanakarusti mä jach'a markarurakiw tukuyäna, jupanakax khuri Egipto markan jayankir jaqjam jakasipkän ukapacha. Ukatsti, jach'a ch'amapampiw uka uraqit jupanakar irpsunïna.
Diosax jach'a ch'amap uñacht'ayäna, ukatsti muspharkañ luräwinakampi, jach'a axsarkañ luräwinakampiw Egipto markat irpsunxapxitu,
Ukampis uñisirinakaxampi jan lart'ayasiñ laykuw jan lurkti; uñisirinakaxan jach'a jach'a tukuñapsa munkaraktti, jupanakax sapxaspawa: Jiwasaw ch'amasamp atipjtanxa; janiw Diosax taqi ukanak lurkiti’ sasa.
Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.
Nayaw Jabín reyin ejercitopan Sísara sat jilïriparux Quisón sat jawir thiyaru jutayä, carronakapampi, soldadonakapampi jumar katuntañataki. Ukampis nayaw jupanakarux amparamar katuyäma” —sasa.