Éxodo 13:21 - Qullan Arunaka DC

Tatitusti jupanakan nayraqatap thakhi uñacht'ayas saräna, urux mä qinay taypitpach jupanakar irpäna; arumasti mä nina taypitarak jupanakar qhant'ayäna. Ukhamat jupanakax uruy arum sarapxäna.

Aymar Bibliia 1986

Tatitusti jupanacan nayrakatapwa saräna, urojja mä kenayanjamaw saräna thaqui uñacht'ayañataqui, arumasti mä ninaraquiw khant'äna. Uqhamatwa jupanacajj sarapjjäna uruy aruma.

Qullan Arunaca

Tatitusti jupanacan nayrakatapwa saräna, urojja mä kenayanjamaw saräna thaqui uñacht'ayañataqui, arumasti mä ninaraquiw khant'äna. Uqhamatwa jupanacajj sarapjjäna uruy aruma.

Éxodo 13:21 Jak'a apnaqawi uñst'ayäwi

Nehemías 9:12

Ukatsti, jumax mä qinay tuqiw urun markamar irptaxa, arumasti mä nina tuqiraki, kawkinjamtix sarapxañapäki uka thakhipa qhant'ayañataki.

Nehemías 9:19

juman jach'a khuyapayasiñam laykuw jupanakarux wasaran jan jaytanukktati. Jupanakan thakhip irpañatakixa, qinayax uru phuqhataw thakhinjam jupanakat jan jithiqtas irpäna, arumasti nina qhanarakiw sarañ thakhip qhant'ayäna.

Salmos 105:39

Diosax mä qinayampiw jupanakarux imxatäna, arum ch'amakarusti ninampiw qhantayarapïna.

Salmos 68:7

7 (8) Diosaxay, jumax markaman nayraqatap sarkäyäta, wasar chiqanjam sarantkäyät ukapachaxa,

Salmos 77:20

21 (22) Markamarux ovej tamar uñtat irpäyätaxa, Moisesampin Aaronampin amparap tuqi.

Salmos 78:14

Mä qinayaw urux irpäna, nina qhanaw arumax irparakïna.

Salmos 99:7

Diosax qinay taypitpach jupanakarux parläna, kamachi arunakap churäna jupanakasti uka arunakap phuqhapxäna.

Éxodo 10:10

Faraonasti jupanakar sarakïnwa: —¡Jan wali amtäwinakamax qhanäskiwa! Tatitux jumanakamp chikäskpasa, ¿kamisarak nayasti jumanakar wawanakamampi, warminakamamp khithanukupxämasti?

Éxodo 16:10

Aaronax israelitanakamp parlaskän ukkhasti, akatjamat wasar tuqit mä qinay uñstanir uñjapxäna, Tatitun qhapaq kankañapaw mä qinay taypit uñstanïna.

Éxodo 32:1

Ukampis jaqinakax Moisesan qullut jan jank'as saraqanxatapatxa, Aaronaruw sapxäna: —Moisesaw Egipto markat irpsunipxitu, jichhasti janiw jupat kunas yatiskxiti, nanakar irpañapatakix diosanak lurarapipxita —sasa.

Cantar de los cantares 3:6

¿Kunarak wasar tuqit jutki ukasti? Mä jach'a jiwq'ir uñtatawa, panqar q'aphinak taypinjama, incienso q'aphichata taypinjama, ukhamarak suma q'apkir qullanakan q'aphip taypinjam jutanti.

Números 10:34

Sarxarupkän ukapachasti, Tatitun qinayapax urun jupanakxankänwa.

Números 14:14

Canaán uraqinkir jaqinakaruw yatiyapxani. Jupanakax ist'apxarakiw juma, Tatitun aka marka taypinkaskatama, ajanuy ajanu uñjayasitama, qinayamas jupanak patxankaskatapa; urunsti jupanakan nayraqatap mä qinay tuqi saraskatama, arumansti mä nina tuqirak saraskatama.

Deuteronomio 1:33

jupasti saräwiman jumanakan nayräxam saräna, kawkharutix puripxañamäki ukawja thaqhañataki. Arum sarañatakisti ninampi qhant'ayasa, urusti mä qinayampi thakhi uñacht'ayasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”