Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.
Efesios 3:4 - Qullan Arunaka DC Uka qillqat ullart'asax amuyapxasmawa, kunjämtix Diosax Cristo tuqi uka imantat amtäwip phuqki uk nayan amuyt'ataxa. Aymar Bibliia 1986 Uca carta leesinjja, amuyapjjpachätawa cunjämtejj Criston jan amuyt'cañ imantat luräwinacapa uñt'cta ucjja. Qullan Arunaca Uca carta leesinjja, amuyapjjpachätawa cunjämtejj Criston jan amuyt'cañ imantat luräwinacapa uñt'cta ucjja. |
Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.
Jesusasti jupanakar sarakïnwa: “Jumanakarux Diosaw yatiyapxtam kunanakatix qhapaq markapan imantatäki ukanaka; ukampis mayninakarux uñtasïwinak tuqiw parlta, uñjkasinsa jan uñjir tukupxañapataki, ist'kasinsa jan amuyt'apxañapataki” sasa.
Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.
Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,
Jutir urut yatiyañatix utjitaspa, Diosan imantat amtäwiptix amuyt'irista, taqi kun yatirista, qullunak unxtayañatakis iyawsañanïrista, ukat janitix munasiñax utjkitaspaxa, janiw nayax kunäkiristsa.
Jumanakasti nanakarux Criston yanapiripjamak uñjapxañama, Diosan jan amuyt'kay amtäwinakap yatichañataki.
Parlataxax jan sumäkchi ukasa, yatiñanak tuqin janiw ukhamäkti; aksti jumanakarux taqi luräwinakaxan uñacht'ayapxsma.
ukatsti jan amuyt'kañ amtäwipat uñt'ayistu. Jupax khuyapayasiñapan amtatayna, Cristo tuqi uka amtäwip lurañataki.
Diosax mä unañchäwi tuqiw nayarux imantat amtäwip yatiyitu, ukxat qalltan yatiyapksma mä juk'a arunak qillqanisa.
Ukatsti taqi kun lurir Diosax wiñayatpach imxäskatayna uka amtäwipat taqinir yatiyañaxatakiraki.
Akax wali jach'a jan amuyt'kañawa. Nayasti Cristompita, iglesiampit ukham arsta.
Nayatakis Diosat mayipxarakim, kuna arsuñaxatix wakiski uk Diosax nayar churañapataki, ukhamat Diosan imantat amtäwip ch'amampi parlañaxataki, ukasti Diosan suma yatiyäwi arunakapawa.
nayra pachatpach Diosan imxäsit arunakap yatiyañaxataki; uksti jichhax jupan ajllit markaparuw uñachayxi.
Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,
Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.
Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.
Jan ukasti, Diosax churkistu uka suma yatiyäwir iyawsapxañapawa, chuymapas q'umäñaparakiwa.