Eclesiastés 9:3 - Qullan Arunaka DC

Akapachan taqi kunatix luraski ukanakat akaw jan walïkiti: taqinirus pachpakiw suyt'aski. Mä tuqitxa, jaqin amuyupax ñanqha lurañampi phuqt'atawa; taqi jakäwipansti luqhi kankañaw amuyuparux apnaqi; ukatsti tukuyarux jiwañarukiw purxi.

Aymar Bibliia 1986

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Qullan Arunaca

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Eclesiastés 9:3 Jak'a apnaqawi uñst'ayäwi

Génesis 6:5

Tatitux jaqinakan sinti jan walinak lurapxatap uñjäna, jaqin ñanqha lurañakpuni amtaskatapa,

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Job 15:16

¡jaqix ukanakat sipan jan walinak lurañ yatintatawa, jisk'achkañarakiwa, ñanqha lurañatakix umatsa pharjayaskaspa ukhamawa!

Job 21:26

Ukampisa, amay imäwin mayakïxapxiwa; taqinirus laq'unakaw manq'antxi.

Job 9:22

Taqi kunas pachpakiwa. Jichhasti ak lup'isirakta: Diosax juchanirusa, jan juchanirusa pachpak t'unji.

Salmos 51:5

5 (7) Nayax yuritaxatpach juchanïtwa; taykaxan purakapatpach juchanïtwa.

Salmos 64:7

7 (8) Diosaw mich'inakapampi chhuxriñchjani, akatjamat chhuxriñchjataw uñjasipxani;

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Eclesiastés 12:7

Uka qhipatsti laq'ax uraq laq'aruw kuttxani, kunjämäkäntix nayrax ukhama, ajayusti khititix churkän uka Diosaruw kutkatxani.

Eclesiastés 2:14

Yatiñan jaqix sum uñjañaruw uchasi, ukampis pisi amuyt'anix ch'amakanjam sarnaqi. Ukatsipana, taqinirus pachpak suyt'atap amuyta,

Eclesiastés 7:2

Kusist'ir sarañat sipansa, jiwirin ukar sarañaw askixa. Jiwax taqi jaqinakan tukuyäwipawa, jakirinakasti uk amtañapäspawa.

Eclesiastés 7:25

Nayax yatxatañanak jikxatañaruw uchasta, ukat yatxatxasin mä suma amuyt'ar puriñataki. Ukhamasti nayax amuytwa, pisi amuyt'anïñan jan walïtapa, pisi chuymäñas luqhi kankañätapa.

Eclesiastés 8:11

Juchan jaqirux jan mäki juchap uñt'ayasaxa, juk'amp jucha lurañaruw puriyi.

Eclesiastés 9:11

Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Eclesiastés 9:2

Ukhamasti taqinirus pachpakiw suyt'aski: aski jaqirusa, jucharar jaqirusa, suma jaqirusa jan wali jaqirusa, q'uma jaqirusa, jan q'uma jaqirusa, wilañchanak luqtir jaqirusa, jan luqtir jaqirusa; uka pachparak suma jaqirusa, jucharar jaqirusa, juramento lurir jaqirusa, jan lurir jaqirusa.

Eclesiastés 9:4

Ukampis khitirutix jakañax churatäki ukatakix juk'amp suyt'äwipaw utji. Jiwat leonat sipansa jakaskir anuw askixa.

Jeremías 16:12

Jumanakasti uka nayra awkinakamat sipansa juk'ampi jan walïpxtawa, sapa maynis chuymapan jan wali amtatanakaparukiw arki, janirakiw nayarux ist'kituti.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 17:9

“Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Lucas 15:17

Ukat wal amuyt'asïna: ‘¡Awkixan utapan qawqha irnaqirinakas jilarkir manq'añanïpxixa, nayasti akan manq'at jiwaskta!

Lucas 6:11

Uka jaqinakasti uk uñjasax wal arusipxäna, ukatsti jupanakkamaw jiskt'asipxäna: ¿Kamachañänis aka Jesusaruxa? sasa.

Hechos 12:23

Ukspachaw Tatitun angelapax Herodesar usuntayäna, Diosäkaspas ukham amuyasitap layku, jupasti laq'unakan manq'antataw jiwxäna.

Hechos 26:11

Walja kutirakiw nayax jupanakar jawq'jayta, munkir jan munkir Tatitur iyawsañat kutiqtapxañapataki. Aksti taqi sinagoganakan lurirïyäta. Walpun jupanakarux uñisïyäta, ukat yaqha markanakarus katurir sarirïyäta.

Hechos 26:24

Pablox arsusiñ tukuyxän ukapachasti, Festo jilïrix jach'at art'äna: —Pablo, luqhïtawa. Sinti yatitamaw luqhiptaytam —sasa.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

2 Pedro 2:16

jucha luratapatsti, mä qachu asnomp tuqinuqataw uñjasïna, uka asnosti juparux jaqjamaw parlxayäna, ukhamat luqhi kankañap jan luraykänti.