Eclesiastés 1:8 - Qullan Arunaka DC

Taqi kunaw qarjayasi uk qhanañchirix janiw khitis utjkiti; janiw uñjkasasa, ist'kasas ukanakamp sisthapkiti, ukhamat kusisiñapataki.

Aymar Bibliia 1986

Take acanacampi wali amjasjjatapatjja janiw qhitis ch'amanjamäquiti arsusiñataqui; janiw qhitis sisthapquiti uñjañanjja, janiraquiw ist'añansa, uqhamata phokt'ata cusisiñapataqui.

Qullan Arunaca

Take acanacampi wali amjasjjatapatjja janiw qhitis ch'amanjamäquiti arsusiñataqui; janiw qhitis sisthapquiti uñjañanjja, janiraquiw ist'añansa, uqhamata phokt'ata cusisiñapataqui.

Eclesiastés 1:8 Jak'a apnaqawi uñst'ayäwi

Salmos 63:5

5 (6) Jach'a manq'äwinkir jaqjamaw kusisï, lakaxasti kusisitaw yupaychätam.

Proverbios 27:20

Jiwampi, amay imäwimpi, jaqin yänakap munapayañ chuymampix janipuniw kunapachas sisthapipkiti.

Eclesiastés 1:7

Jawiranakax lamar qutarkamaw sarapxi, lamar qutasti janiw phuqhantaskiti; jawiranakax kawkhattix sarki ukkharuw kuttani, ukat wasitat jawirnam jalañataki.

Eclesiastés 2:11

Ukatsti nayax kuntix lurkäyäta, qawqha ch'amtix irnaqañatak apskäyät uk uñakipta, ukat taqi kunas inamayakïtap amuyarakta, thayarus katthapiñ munksna ukhamakiwa, janiw kuna askis akapachan utjkiti.

Eclesiastés 2:26

Chiqpachansa Tatituw khitirutix munki ukarux yatiñ kankañsa, yatxatañ chuymsa, jan ukax kusisiñsa churi; ukatsipana jucha lurir jaqirux yänak jikxatañapatakiw irnaqayi, ukat khitirutix munki ukar churxañataki. ¡Ukasti inamayarakikiwa, thayarus katthapiñ munksna ukhamakiwa!

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Eclesiastés 6:7

Jaqix manq'añatakix jan inakt'asaw irnaqi, ukampis janiw sisthapkiti.

Hageo 1:9

Jumanakax wal thaqhapxtaxa, ukampis juk'ak jikxatapxtaxa; kuntix utanakaman imasipkta ukanaksti nayax may phust'asakiw ina ch'usar tukuyta. ¿Kunata? Utaxan laqayar tukuyatätapata, jumanakan utanakamatakik llakisipxatamata. Naya, ch'aman Tatituw arsta.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Mateo 5:6

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.