Ukxarusti kimsïr angelarakiw trompetap phust'äna, ukatsti mä jach'a warawaraw alaxpachat jalaqtanïna, nina wiyar uñtat nakhaskiri, ukasti niya chikatan chikatap jawiranakxaru, uma jalsunakxaruw jalxattäna.
Apocalipsis 9:18 - Qullan Arunaka DC Jaqinakasti niya chikatan chikatapaw jiwaräna, uka caballonakan lakanakapat mistur ninampi, azufrempi, jiwq'impi. Aymar Bibliia 1986 Quimsïri parte jakenacasti jiwarayatäpjjänwa, uca quimsa t'akhesïwejj caballonacan lacanacapat mistcän ucanacampi. Ucanacasti nina, asufre uqhamarac jek'e ucanacänwa. Qullan Arunaca Quimsïri parte jakenacasti jiwarayatäpjjänwa, uca quimsa t'akhesïwejj caballonacan lacanacapat mistcän ucanacampi. Ucanacasti nina, asufre uqhamarac jek'e ucanacänwa. |
Ukxarusti kimsïr angelarakiw trompetap phust'äna, ukatsti mä jach'a warawaraw alaxpachat jalaqtanïna, nina wiyar uñtat nakhaskiri, ukasti niya chikatan chikatap jawiranakxaru, uma jalsunakxaruw jalxattäna.
Uka warawarasti K'allk'u satänwa; umanakasti niya chikatan chikatapaw k'allk'u tukuwayxäna, walja jaqinakarakiw jiwarapxäna uman wali k'allk'ütap layku.
Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.
Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.
Ukxarusti payïr angelaw trompetap phust'äna, ukatsti nina nakhaskir jach'a qullükaspas ukar uñtataw jach'a qutar liwintatarakïna, jach'a qutasti niya chikatan chikatapaw wilar tukxäna.
Qutan jakir taqpach laq'unakat niya chikatan chikatapaw jiwaräna, barconakatsa niya chikatan chikatapaw t'unjat uñjasïna.
Ukapachaw uka pusi angelanakax jaranukut uñjasipxäna, niya chikatan chikatap jaqinakar jiwarayañataki, jupanakasti uka pachataki, uka urutaki, uka phaxsitaki, uka maratak wakichatäpxataynawa.
Ukham uka unañchäwin caballonak uñjta, uka caballonakar lat'xatat soldadonakasti, metalat lurat jark'aqasiñan uchatäpxänwa, ukasti ninar uñtat wila, zafiro qalar uñtat sajuna, azufrer uñtat q'illurakïnwa. Uka caballonakan p'iqinakapasti león p'iqinakar uñtatänwa, lakanakapatsti ninampi, jiwq'impi, azufrempiw mistüna.
Uka caballonakan ch'amapasti lakampina, wich'inkhampinkänwa; wich'inkhanakapax katarinakar uñtatänwa, p'iqinakapampiw jaqinakar usuchjapxäna.