Apocalipsis 8:5 - Qullan Arunaka DC Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna. Aymar Bibliia 1986 Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna. Qullan Arunaca Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna. |
Ukat Tatitux jupar säna: “Anqar mistunim, ukatsti qullu patxan nayraqataxan sayt'asim” sasa. Ukapachaw Tatitux uka chiqa sarakipawayäna, ukatsti mä jach'a wali ch'aman thayaw qullu allinuküna, qarqanaksti Tatitun nayraqatapan jaljtayarakïna; ukampis Tatitux janiw uka thayankkänti. Uka thaya qhipatsti mä uraqi khathatiw utjarakïna; ukampis Tatitux janiw uka uraqi khathatinkkänti.
13 (14) Jach'a munañan Tatitux alaxpachatpach axsarkañ jach'a arup ist'asiyäna; chhijchhjama, nakhaskir sank'jama.
Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.
Tatitusti jach'a arupa ist'ayani, jach'a ch'amapsti uñacht'ayarakiniwa, axsarkañ phiñasiñampiw ukanak lurani, q'ixu q'ixunakampi, jallumpi, chhijchhimpi taqi ukanakax mä aqkir ninjam tukjiriwa.
Mä jach'a aruw markat ist'asi, wali jach'a aruw Tatitun utapat ist'asi, uka jach'a arux pachpa Tatitun arupawa, uñisirinakapar tuqintir arurakiwa.
Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!
Ukxarusti altarxan Tatit nayraqatan jikxataski uka sank'anakampi phuqxatat incienso q'aphichañ aptani, ukhamarak pä jach'i k'iyat suma q'apkir inciensompi, uksti velo qhipäxaruw apani,
jumanakasti uka pä qullu taypin utjkani uka qhirwanjam jaltxapxäta, uka qhirwasti maysäxankir Asal uraqkamaw purini. Jumanakax jaltxapxätawa kunjämatix Ozías reyin Judá marka apnaqäwipan nayra awkinakamax, uraqi khathati sartipan jaltxapxänxa ukhama. Tatitu Diosaxasti taqpach aski jaqinakapampiw jutani.
Mä jach'a markax yaqha jach'a markampiw nuwasini, mä markasti yaqha markampiw ch'axwani, ukapachaw manq'at pist'añanaka, kunayman usunaka, uraq khathatinakax taqi chiqan utjani.
“Nayax akapachar nina naktayiriw jutta; ¡nayax wal munirista uka ninan niya nakhaskañapa!
Ukapachasti akatjamat uraq khathatix wali ch'amampi carcelan pirqanakapsa unxtayäna. Ukspachaw carcelan taqpach punkunakapax jist'artäna, katuntatanakan ñach'antat cadenanakapas jarartarakïna.
Tatitur mayisiñ tukuyasinsti, tantachasipkän ukawjax khathatïnwa; taqiniw Qullan Ajayumpi phuqt'at uñjasipxäna, ukatsti jan axsarasaw Diosan arup yatiyapxäna.
Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.
Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.
Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.
Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.
Ukatsti yaqha angelarakiw jutäna, qurit lurat incienso q'apichañ apt'ata, jupasti altar nayräxaruw sayt'asïna. Uka angelasti walja incienso katuqi, qhapaq qunuñ nayraqatankir quri altarxan luqtañataki, qullan markan mayisïwinakapamp chika luqtañataki.