Apocalipsis 6:5 - Qullan Arunaka DC

Corderox kimsïr sello ch'iyaqkän ukkhasti, kimsïr jakaskiriruw arsur ist'ta: “¡Jutam!” sasa. Uñtasinsti, mä ch'iyär caballo uñjarakta. Uka caballor lat'xatatäkän ukasti mä balanza apt'atänwa.

Aymar Bibliia 1986

Cunapachatejj Corderojj quimsïri sello ch'iyjcän ucqhajja, quimsïri jacasquiriruw aqham siri ist'ta: “¡Jutam, uñjaraquim!” sasa. Uñtasinsti uñjaractwa mä ch'iyar caballo. Lat'jjatatäcän ucasti mä balanza apt'atänwa.

Qullan Arunaca

Cunapachatejj Corderojj quimsïri sello ch'iyjcän ucqhajja, quimsïri jacasquiriruw aqham siri ist'ta: “¡Jutam, uñjaraquim!” sasa. Uñtasinsti uñjaractwa mä ch'iyar caballo. Lat'jjatatäcän ucasti mä balanza apt'atänwa.

Apocalipsis 6:5 Jak'a apnaqawi uñst'ayäwi

Lamentaciones 5:10

Janchinakaxas ninjamaw nakhi, manq'atjam inakiw paqaqxapxta.

Ezequiel 4:10

Manq'amsti manq'añäki ukkhakiw manq'äta, sapa urusti chikat ukkhak manq'arakïta;

Ezequiel 4:16

Ukxarusti saskakituwa: “Jerusalén markansti manq'at pist'atäñ utjayä. Manq'sti juk'at juk'atak katuqapxani, umasa juk'at juk'atak churasini, jaqinakasti wali jach'a llakimpi, axsartañampiw manq'apxani, umt'apxarakini.

Levítico 26:26

“Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Zacarías 6:2

Nayrïr carrorusti wila caballonakaw qatatïna; payïrirusti ch'iyar caballonaka;

Zacarías 6:6

Ch'iyar caballonakan qatatit carrox amstankir markaruw sari; janq'u caballonakan qatatit carrosti, jalanta tuqinkir markaruw sari; ch'ikhu caballonakan qatatit carrosti aynachankir markaruw sararaki” sasa.

Mateo 24:7

Mä jach'a markax yaqha jach'a markampiw nuwasini, mä markasti yaqha markampiw ch'axwani, ukapachaw manq'at pist'añanaka, kunayman usunaka, uraq khathatinakax taqi chiqan utjani.

Apocalipsis 5:5

Ukampis uka jilïrinakat maynïriw akham situ: “Jan juk'ampi jachkxamti, uñtam, Judá ayllunkir Leonaw atipji, jupax Davidan jathapat saraqiriwa, jupax ch'amaniw uka qillqat jist'arañataki, uka paqallqu sellonak ch'iyarañatakisa” sasa.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.

Apocalipsis 6:1

Ukatsti uka paqallqu sellonakat mayïr sello Corderor ch'iyaqir uñjarakta, ukapachaw uka pusi jakaskirinakat maynïrir ist'arakta, qhixu qhixur uñtata, wali jach'at art'iri: “¡Jutam!” sasa.