Apocalipsis 20:10 - Qullan Arunaka DC Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki. Aymar Bibliia 1986 Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui. Qullan Arunaca Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui. |
“Nayax ukhamaw uñch'ukiskäyäta, kuntix uka jisk'a waxrax wali jach'achasiñamp kunayman arunak parlkän uk ist'asa; uñch'ukiñkamasti uka axsarkañ jach'a laq'uruw jiwayapxäna, ukatsti jisk'a jisk'a wikhanuqapxäna, ninaruw jaquntapxarakïna ukan nakhantañapataki.
“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.
Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”
“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.
Ukatsti uñjaraktwa dragonan lakapatsa, uka jach'a axsarkañ animalan lakapatsa, uka k'ari profetan lakapatsa, kimsa ñanqha ajayunak mistusinkiri k'ayranakar uñtata.
Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.
ukatsti pusi tuqinpach utjir markanakar sallqjiriw mistuni, Gog, Magog sat markanakar sallqjiri, ukatsti nuwasiñatakiw uka markanakan ejercitonakapar tantachthapini, ukanakasti quta iranan utjir ch'allar uñtatäniwa.
Ukham uka unañchäwin caballonak uñjta, uka caballonakar lat'xatat soldadonakasti, metalat lurat jark'aqasiñan uchatäpxänwa, ukasti ninar uñtat wila, zafiro qalar uñtat sajuna, azufrer uñtat q'illurakïnwa. Uka caballonakan p'iqinakapasti león p'iqinakar uñtatänwa, lakanakapatsti ninampi, jiwq'impi, azufrempiw mistüna.