Apocalipsis 13:11 - Qullan Arunaka DC Ukatsti yaqha jach'a axsarkañ animalar uraqit mistusinkir uñjarakta. Ukasti pä waxranïnwa, waxranakapasti urqu ovejan waxranakapar uñtatänwa, parlapasti dragonan parlapjamänwa. Aymar Bibliia 1986 Ucatsti yakha jach'a ajjsarcañ animalracwa oraket mistur uñjta. Acasti pä wajjranïnwa, wajjranacapasti mä ovejan wajjranacapjamänwa, parlapasti dragonan parlapjamaraquïnwa. Qullan Arunaca Ucatsti yakha jach'a ajjsarcañ animalracwa oraket mistur uñjta. Acasti pä wajjranïnwa, wajjranacapasti mä ovejan wajjranacapjamänwa, parlapasti dragonan parlapjamaraquïnwa. |
“Waxranak uñch'ukiñkamasti, uka waxranak taypit yaqha jisk'a waxraw jilsunïna, ukatsti kimsa waxranakxa jik'irapxänwa, ukanak lantisti qhipa mistunir jisk'a waxraw ukankxäna, uka waxrax jaqi nayrat nayranïnwa, lakapasti wali jach'a jach'a tukusaw arsüna.
Nayax jayaruw uñtta, ukatsti uka jawir thiyat mä urqu oveja mistusinkir uñjta. Uka ovejax pä jach'a waxranïnwa, uka waxranakat mayax qhipakiw mistutayna, ukampis uka waxrax mayäkis ukat juk'amp jach'änwa.
“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.
janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.
Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.
Kunapachatix lurañap phuqhapxani ukkhaxa, aka uraqi manqhat mistuniri axsarkañ jach'a animalaw jupanakar nuwantasin atipjani, ukat jiwayarakiniwa.
Uk uñjasasti dragonax warmitak walpun q'apisïna, ukatsti warmin mayni wawanakapampi nuwasiriw saräna, Diosan kamachinakap jaysirinakampi, Jesucriston arunakap katxäsirinakampi nuwasiriw sararakïna.
Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.
Janirakiw khitis kun alasiñapäkänti, aljasiñapäkänsa, janitix uka chimpunïkäna, jan ukax, uka jach'a axsarkañ animalan sutipampi chimpt'atäkäna, jan ukax, uka axsarkañ animalan sutipan jakhupanïkän ukaxa.
Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa.
Ukatsti uñjaraktwa dragonan lakapatsa, uka jach'a axsarkañ animalan lakapatsa, uka k'ari profetan lakapatsa, kimsa ñanqha ajayunak mistusinkiri k'ayranakar uñtata.
Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.
Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.