Apocalipsis 13:1 - Qullan Arunaka DC Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna. Aymar Bibliia 1986 Kotat mistur uñjta mä jach'a ajjsarcañ animalaru, ucasti pakallko p'ekenïnwa tunca wajjran cuna. Sapa wajjrarusti mä coronaniraquïnwa, p'ekenacapansti Dios toke kellkat arunacaraquiw utjäna. Qullan Arunaca Kotat mistur uñjta mä jach'a ajjsarcañ animalaru, ucasti pakallko p'ekenïnwa tunca wajjran cuna. Sapa wajjrarusti mä coronaniraquïnwa, p'ekenacapansti Dios toke kellkat arunacaraquiw utjäna. |
Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.
“ ‘Amsta tuqinkir reyisti kuntix jupax munkani uk lurani. Jach'a jach'a tukutapatxa, jupax taqi diosanakatsa juk'amp ch'amanïtap amuyasini, chiqpach Diosatakisti kunayman ñanqha arunak arsuni; taqi kunas jupatakix wakiskiriw mistuni; Diosax jupatak mutuyäwipa apayankani ukapachkama, kuntix Diosax lurañapäki ukxa, luraniwa.
“Juma reyisti uñjaraktawa, uka jach'a jaqin kayunakapax hierrompita, ñiq'impitänwa; ukasti qhip qhipa apnaqäwix payar t'aqxtatäniwa sañ muni. Marka apnaqäwix hierror uñtat ch'ullqhïniwa, ukampis ñiq'ir uñtat jan ch'amanirakïniwa.
Kunapachatix lurañap phuqhapxani ukkhaxa, aka uraqi manqhat mistuniri axsarkañ jach'a animalaw jupanakar nuwantasin atipjani, ukat jiwayarakiniwa.
Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.
Ukatsti yaqha jach'a axsarkañ animalar uraqit mistusinkir uñjarakta. Ukasti pä waxranïnwa, waxranakapasti urqu ovejan waxranakapar uñtatänwa, parlapasti dragonan parlapjamänwa.
Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.
Aka payïr jach'a axsarkañ animalasti munañanïñ kankañ katuqäna, nayrïr jach'a axsarkañ animalar uñtasit lursutar jakañ churañapataki, ukhamat ukan parlañapataki, uka lursutar jan yupaychirinakarusti jiwarayañapataki.
Ukatsti uñjaraktwa qhispir uñtat mä jach'a quta, ninampi kituntatjama; uka quta thiyansti khitinakatix jach'a axsarkañ animalar atipjapkatayna ukhamaraki uka animalan sutipan jakhupampi chimpuntayasiñ jan munapkatayna, janirak uka animalar uñtasit lursutapar yupaychapkatayna ukanakaw sayt'atäsipkäna. Diosax jupanakar churkatayna uka arpanak apt'atkamaki.
Ukatsti uñjaraktwa dragonan lakapatsa, uka jach'a axsarkañ animalan lakapatsa, uka k'ari profetan lakapatsa, kimsa ñanqha ajayunak mistusinkiri k'ayranakar uñtata.
Uñjktas uka tunka waxranakampi, uka jach'a axsarkañ animalampisti, uka q'añusir warmirux uñisipxaniwa, utjirinakap taqpach apaqapxani; q'alalpacharak irpanukupxani, janchip manq'apxani, ukatsti ninaruw nakhantayapxani.
Ukatsti, Ajayux uñacht'aykitu uka unañchäwi tuqiw angelax wasarar irpitu. Uka wasaransti mä warmi uñjta, mä axsarkañ jach'a wila animalxar qunxatata. Uka axsarkañ animalasti Diosar ñanqhachir sutinakampi qillqsutänwa, paqallqu p'iqinïnwa, tunka waxranirakïnwa.
paraparusti jan uñt'at sutiw qillqata utjäna, uka sutisti akhamänwa: “Jach'a Babilonia, q'añusirinakan taykapa, akapachan utjir taqi ñanqhanakampina, uñisiñäki ukanakampin taykapa” sasa.
Ukatsti uka jach'a axsarkañ animalaruw uñjta, ukhamarak akapach reyinakaru, ejercitonakapampiru. Jupanakasti janq'u caballon lat'xatat jaqimpi, ejercitopampi nuwasiriw tantachasipxatayna.