2 Samuel 16:12 - Qullan Arunaka DC

Inas Tatitux nayaru llakt'ata, t'aqhisiri uñjitani ukapachax, jichhür ñanqhachäwinak katuqataxat, askinak apayanchitani —sasa.

Aymar Bibliia 1986

Inas Tatitojj cunapachatejj nayarojj llact'ata, t'akhisiri uñjitani ucapacha nayarojj bendicionanaca apayanchitani, maldicionanacat sipansa, cuntejj jichhajj ist'ascta ucanacat sipansa.

Qullan Arunaca

Inas Tatitojj cunapachatejj nayarojj llact'ata, t'akhisiri uñjitani ucapacha nayarojj bendicionanaca apayanchitani, maldicionanacat sipansa, cuntejj jichhajj ist'ascta ucanacat sipansa.

2 Samuel 16:12 Jak'a apnaqawi uñst'ayäwi

2 Samuel 16:13

Ukhamasti Davidampi jaqinakapampix thakhip sarasipkakïnwa, ukampis Simí jaqix, Davidat mayskatan qullu irananjam sarawayxäna, ñanqhachasa, qalanakamp jaqt'asa, laq'sa sartayasaraki.

2 Reyes 19:4

Inasa Tatit Diosamax ist'chi kuna arunaktix Asiriankir reyin khithanit yanapiripax jakkir Diosar ñanqhachasa siski uka, inachay Tatit Diosamax uka arunak ist'asin jupar mutuyaspa. Jichhasti Tatitut mayim jilt'ir israelitanakat khuyapayasiñapataki” sasa.

Salmos 10:14

Juma pachpaw ñanqha luratanakap uñjtaxa, ¡jumaw uñjtaxa, jupanakarusti juchap uñt'ayätaxa! Jumaruw jan arxatirin jaqinakax makhatxapxtam; jumaw wajchanakan yanapiripätaxa.

Salmos 109:28

Jupanakax ñanqhachapxitpasa, jumax askimay churita. Timanakaxax aynacht'apxpan, uywatamasti ukchañkamax kusispan.

Salmos 132:1

Tatay, Davidat amtasikimaya, llakinakapatsa amtasikimaya;

Salmos 25:18

Llakinakaxaru, ch'ama tukutanakaxar uñtanim, taqi juchanakaxat pampacht'arakita.

Proverbios 25:22

ukham lurasax, juparux llakthapisiyätawa, Tatitusti jumarux kutiyxätamwa.

Proverbios 26:2

Ina ch'usat ñanqhachäwix janiw khitirus wakt'kiti; chhaqhat jamach'ir uñtata, jan tapani golondrina sat jamach'ir uñtatakiwa.

Isaías 27:7

Tatitux Israel markarux janiw mutuykiti, kunjämtix jupar uñisirinakar mutuyki ukhama, janirakiw Israel markarux t'unjkiti kunjämtix uñisirinakapar t'unjki ukhama.

Joel 2:14

Tatitux inas juchanakamat mutuyañ jan amtaskxchiniti, inas suma waxt'äwinak apayanchini: trigompi, vinompi jupar luqtäwinak churañataki.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.

Deuteronomio 23:5

5 (6) Ukampis jumanakan Tatit Diosamax janiw Balaam chacharux ist'känti, jan ukasti uka ñanqhachäwirux jumanakar munasitap laykux mä aski waxt'äwiruw jumanakatak tukuyäna.

Deuteronomio 23:6

6 (7) Jan jumanakax taqi jakäwiman jupanakan sumankañapsa, askipsa thaqhapxamti.

2 Tesalonicenses 1:7

ukat jumanak t'aqhisirinakar samarañ churañapataki, kunjämtix nanakar churapkitu ukhama. Ukasti kunürutix Tatit Jesusax ch'aman angelanakapampi uñstankan ukkhaw phuqhasini, alaxpachat nina lawranak taypinjam jutkan ukapacha.

Hebreos 12:10

Janchi awkinakasax juk'a pachatakikiw chiqachawayistu, kunjämtix amuyupan walïki ukhamaru; ukampis Diosax jiwasan askisatakiw chiqachistu, jupjam qullan tukuñasataki.

1 Samuel 1:11

akham sasa: “Taqi ch'aman Tatay, jumatix aka luqtiriman t'aqhisitap uñtanïtaxa, ukat nayat amtasisin mä wawsa apayarakitätaxa, nayax uka wawan jakäwip jumar luqtiritakiw katuyäma, uka arsüwi phuqhañatakisti janiw ñik'utapas khuchhuratäkaniti” sasa.