2 Samuel 15:30 - Qullan Arunaka DC

Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

Aymar Bibliia 1986

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

Qullan Arunaca

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

2 Samuel 15:30 Jak'a apnaqawi uñst'ayäwi

2 Samuel 15:29

Ukatsti Sadoc, Abiatar chachanakax Jerusalén markaruw Tatitun arcap kuttayxapxäna, ukaruw qhiparapxarakïna.

2 Samuel 19:4

4 (5) Ukchañkamasti reyix ajanup imt'asawa, jach'at wararis jachäna: “¡Absalón wawaxay! ¡Absalón wawaxay, wawaxa!” sasa.

2 Samuel 19:5

5 (6) Joab chachasti reyi utar sarasin reyir sarakïna: —Jichhürux juma, reyix, taqpach yanapirinakamaruw p'inqachapxistaxa, jupanakaw jakañam qhispiyapxtam, ukhamaraki wawanakamana, phuchhanakamana, uñt'at warminakaman jakañap qhispiyapxi.

Ester (hebreo) 6:12

Uka qhipatsti, Mardoqueox reyin utap punkuruw kuttxäna, Amán chachasti wali llakt'ataw utapar jank'ak kuttxarakïna. Jupasti p'inqasiñatsa ajanup imantasïna.

Salmos 42:3

3 (4) Urus arumas jachaxakiw manq'añaxaxa, ukchañkamasti uñisirinakaxax wal jiskhipxitu: “¿Kawkinkarak Diosamasti?” sasa.

Salmos 43:5

¿Kunatarak chuym mayjt'ayasïsti? ¿Kunatarak llakthaptästi? Diosarukiw nayax suyt'ä, juparukiw yupaycharakï. ¡Jupaw Qhispiyirixaxa, Diosaxasa!

Ezequiel 24:17

Amukiw t'aqhisïta, janirakiw llaki isimpis isthapisïtati kunjämatix jiwirinakat isthapisipki ukhama. Jan q'ara p'iqis sarnaqamti, janirak q'ara kayus saramti; ajanumsa jan imt'asimti mä kunatsa t'aqhiskasma ukhama, janiraki uka pachanakan manq'añ t'ant'a manq'amti.”

Ezequiel 24:23

Janiw q'ara p'iqisa, q'ara kayusa sarnaqapkätati. Janiw jachapkätati, janirakiw t'aqhisipkätasa. Ñanqha juchanak lurapxatam laykusti jan ch'amaniw uñjasipxäta, ukatsti jumanakkamaw jachapxarakïta.

Zacarías 14:4

Uka urusti Tatitux Olivos qullu patxaruw utjnuqasini, Jerusalén marka uñkatasina, inti jalsu tuqina. Olivos qullurux payaruw jaljtayani, mä chikat qullux amsta tuqiruw jitt'ani, mä chikatasti aynach tuqiruw jitt'arakini, uka taypix mä jach'a qhirwaruw tukuni inti jalsuta inti jalantkama,

Mateo 5:4

“Kusisiñanïpxiw t'aqhisirinakaxa, jupanakax chuymachatäpxaniwa.

Lucas 19:29

Kunapachatix Betfagé, Betania uka markanakar niy jak'achasxän ukkhasti, Olivos sat qullu jak'aruw sayt'asïna, uka chiqat pani yatiqiriparuw khithäna,

Lucas 19:37

Olivos qullu saraqañar jak'achaskasinxa, Jesusan arkirinakapax taqiniw kusisiñat jach'at art'as Diosar yupaychañ qalltapxäna, taqi muspharkañanak uñjapxatap layku.

Lucas 19:41

Jerusalenar jak'achasisinsti, Jesusax marka uñtasaw jachäna,

Lucas 21:37

Jesusax sapüruw Tatitun utapan yatichirïna, arumjarusti Olivos sat qulluruw sarxirïna.

Lucas 22:39

Ukapachaw Jesusax markat mistuwayxäna, kunjämtix lurirïkän ukhama Olivos sat qulluruw sarxäna, yatiqirinakapasti arkapxarakïnwa.

Hechos 1:12

Uka qhipatsti, apostolunakax Olivos qullut Jerusalenaruw kutt'xapxäna. Uka qullusti Jerusalenat jak'ankakiwa, mä chika tupun chikataparjama.

Romanos 12:15

Kusisitanakampix kusisipxam, jachirinakampisti jachapxarakim.

1 Corintios 12:26

Janchisan mä chiqatix t'aqhischixa, taqi chiqaw t'aqhisiraki, mä chiqatix yäqatächixa, taqpachaniw kusisipxi.