2 Samuel 15:25 - Qullan Arunaka DC

Ukampis reyix Sadoc jaqir sänwa: —Tatitun arcap markar kuttayxam; Tatitutix munani ukapachasti nayarux kuttayasinkitaniwa, arcapsti wasitat uñjaskarakïwa kawkhankkanitix uka chiqana.

Aymar Bibliia 1986

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

Qullan Arunaca

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

2 Samuel 15:25 Jak'a apnaqawi uñst'ayäwi

2 Samuel 6:17

Tatitun arcapax mä chhujllaru apatäxänwa, Davidaw uka chhujlla wakichatayna. Ukatsti Davidax jank'akiw nakt'at waxt'anaka, sumankthapiñ wilañchanak Tatitun nayraqatapan luqtäna,

2 Samuel 7:2

Davidax Natán profetaruw akham säna: —Amuyam, nayax cedro lawat lurat mä suma jach'a utan utjasta, Tatitun arcapasti cortinanak manqhanak jikxatasi —sasa.

Salmos 122:1

¡“Tatitun utapar sarañäni” sirinakampix walpun kusista!

Salmos 122:9

Tatitu Diosasan utap laykuw juman askimatak thaqhä” sasa.

Salmos 26:8

Tatay, qullan utamarux munastwa, qhapaq kankañamax ukankiwa.

Salmos 84:10

10 (11) ¡Mä urukis utaman qamañax juk'ampi sumawa, waranq urunak anqankañat sipana! Nayax Diosan utap q'umachirïñ munta, ñanqha lurañ chiqawjan jakañat sipana.

Éxodo 15:13

Munasiñamampiw juman qhispiyat markar irpasktaxa; ch'amamampiw qullan utjäwimar irpasktaxa.

Éxodo 33:12

Moisesasti Tatituruw säna: —Jumax “aka marka irpam” sasaw mayista, ukampis janiw khititix nayamp chik sarkani uk siskistati. Sarakistawa: “Jumar uñt'smawa, munasiñaxaw jumatak utjitu” sasa.

Éxodo 33:13

Ukampis uka arsutanakamatix chiqächi ukaxa, amtäwinakam yatiyita, ukhamat jumar alkatañaxataki, juman khuyapayasiñam nayatak utjaskatap yatiñaxataki. Jan armasimti, aka markax juman markamawa —sasa.

Isaías 38:22

Ukat Ezequías reyix Isaías profetarux jiskt'asïna: —¿Kuna chimpu tuqis amuyasiristxa Tatitun utaparu nayan sarañaxatakixa? —sasa.

Jeremías 25:30

“Jumasti Jeremías, taqi akanak nayan sutixar yatiyaskakim, jupanakarusti sarakim: ‘Tatitux jach'a arupampiw arsu, alaxpachatpacha, kawkhantix jakki uka qullan chiqatpacha. Tamapatakix kunjämatix uva ch'irwirinakax arnaqasipxi ukhamaw arnaqasi, taqi jaqinakatakiw arnaqasi.

Jeremías 7:4

K'arinak parlirinakarux jan alkatapxamti, khitinakatix sapki: ¡Tatitun utapaw akanki, Tatitun utapaw akanki! sasa.