2 Corintios 7:5 - Qullan Arunaka DC

Macedoniar purinipkta ukat aksarux janipuniw samarapkti, jan ukasti, taqi chiqan jan walt'añanakan uñjasipxta: Ch'axwañanakaw nanakar muyuntapxitu, chuyma manqhansti axsarañaraki.

Aymar Bibliia 1986

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

Qullan Arunaca

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

2 Corintios 7:5 Jak'a apnaqawi uñst'ayäwi

Génesis 8:9

ukampis paloman kawkharus jan puriñjamätapatxa, arcaruw kuttanxäna, uraqisti uman chhaqtayatakïskänwa. Noé chachasti amparap aysusin palomarux katuqxäna, ukatsti arcaruw irpantxäna.

Job 18:11

Taqi tuqit axsarayataw uñjasi; sapa sartäwipan arknaqat amuyasi.

Isaías 33:12

Markanakasti qhillar tukuyatäniwa; ch'aphinakar uñtataw ninampi nakharakini.

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Jeremías 6:25

¡Pampa tuqir jan mistupxamti, thakhinjamsa jan sarapxamti! ¡Uñisirisax wali wakichrantatawa, taqi chiqansa axsarañakiw utjaski!” sasa.

Jeremías 8:18

Chuyma usuyasitaxax janiw qullañjamäkxiti, chuymaxas käwkst'arakituwa.

Hechos 20:1

Uka ch'axwanak tukutatsti, Pablox iyawsirinakaruw jawsthapïna, jupanakar iwxt'añataki. Ukatsti jupanakat mä suma qhumantampi jaytawayasaw Macedonia markar sarxäna.

Romanos 15:26

Macedoniankirinakampi, Acayankirinakampix mä yanap apthapiñatakiw taqi chuymamp amtasipxi, ukat Jerusalenankir pist'at jilatanakar apayañataki.

1 Corintios 15:31

Jilatanaka, sapüruw nayax jiwañ jak'an jikxatasta. Ukasti chiqapunïskiwa, nayasti chuymaxan wal kusista jumanakan Cristor iyawsapxatamata.

1 Corintios 16:5

Nayax jutkä ukapachasti, Macedonia chiqa sarañaxawa; uka qhipat Corinto markarux purinï.

2 Corintios 2:13

Ukampis Tito jilataxampi jan jikisitax laykux chuymaxan wali llakitaw jikxatasïyäta. Ukat jupanakampi jikisiwayasin, Macedonia markaruw sarxta.

2 Corintios 2:3

Ukat ukham qillqanipxsma, janiw nayax jumanakan llakisiyatäñatak sarañ munkäyätti, ukat sipan jumanakax nayar kusisiyapxañamawa. Nayan kusisiñaxat jumanakax kusisipxañam yatirakïyätwa,

2 Corintios 2:9

Ukatakiw jumanakar qillqanipxsma, jumanakan chuymam uñt'añataki, ukhamaraki jumanakan jaysasir chuymam yatiñataki.

Gálatas 4:11

Inas nayan lurataxax jumanak taypin inamayakïchi, uk amuyasax llakistwa.

Deuteronomio 32:25

Thakhinakan wawanakapax espadampkam jiwarayataw uñjasini, uta manqhanakansa axsarañakiw utjani; yuqall wawasa, imill wawas jiwaraniwa, awkinakasa, ñuñuskir wawanakas jiwararakiniwa.

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.