2 Corintios 4:1 - Qullan Arunaka DC

Ukat nanakax jan qarjasipkti, Diosaw khuyapayasiñapan aka luräwi katuyapxitu.

Aymar Bibliia 1986

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

Qullan Arunaca

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

2 Corintios 4:1 Jak'a apnaqawi uñst'ayäwi

Isaías 40:30

Waynanakas qarjtakispawa, ch'amtayapxakispawa, wali ch'amaninakas aynacht'akirakispawa,

Isaías 40:31

ukampisa khitinakatix Tatitur katuyasipki ukanakax machaq ch'amanïpxaniwa; pakalinakar uñtataw alayan tuyupxani, jan qarjasisaw jalanaqapxani, sarnaqasas janirakiw ch'amtayapkaniti.

Lucas 18:1

Jesusasti mä uñtasïwi tuqiw yatichäna, jan mayjt'asis Diosat mayisiñataki.

1 Corintios 3:5

May sipansti, ¿khitirak Pablosti? ¿Khitirak Apolosti? Jupanakax irnaqirinakakïpxiwa, jupanak tuqiw jumanakax Tatitur iyawsapxta. Jiwasanakat sapa mayniw kuntix Tatitux luram siski uk luri:

1 Corintios 7:25

Jan jaqichasit warminakatakisti, janiw Tatitun wakiskir arupax utjkituti; ukampis nayan amuyuxat sista, Tatitun khuyapayasiñapan nayax askïkta ukarjama.

2 Corintios 3:12

Uka suyt'añaw nanakan utjapxitu, ukatarakwa taqi iyawsañamp parlapxta.

2 Corintios 3:6

jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

2 Corintios 4:16

Ukat nanakax janipuniw mayjt'asipkti. Janchinakaxax sapürus aynacht'aski ukasa, ajayunsti urut urutjamaw machaqar tukusipkta.

2 Corintios 5:18

Taqi akanakax Diosan luräwipawa, jupaw Cristo tuqi jupamp sumankthapiyistu, ukatsti sumankayañ arunak yatiyañatakiw jaytarakistu.

Gálatas 6:9

Ukhamasti janiy aski lurañan qarjasiñäniti, luraskakiñäni ukaxa, Diosax wakisitaparuw waxt'äwip churistani.

Efesios 3:13

Ukat jumanakarux achikt'apxsma, jumanak layku t'aqhisitaxat jan ch'am laq'ayasipxamti, ukatsipana ukax jumanakatakix mä jach'añchäwiwa.

Filipenses 4:13

Criston ch'amapampix taqi kunaruw saykatirista.

2 Tesalonicenses 3:13

Ukampis jumanakax jilatanaka, janiy aski lurañan qarjtapxamti.

1 Timoteo 1:13

Nayrax jan wali arunakampiw jupa tuqi arusis jisk'achäyäta, qhuru chuymampiw arknaqäyäta. Ukampis Diosaw nayat khuyapayasitu, nayax janïraw ukapachax jupar arkkäyätti, kuntix lurkäyät uksa janirakiw yatkäyätti.

Hebreos 12:3

Ukalayku, Jesusan aski sarnaqäwipat lup'ipxam, jupasti juchararanakan amparapan wal t'aqhisïna; janipun qarjasipxamti, janirak mayjt'asipxamsa.

1 Pedro 2:10

Jumanakax nayrax janiw mä markäpkayätati, jichhasti Diosan markapäxapxtawa. Nayrax jupax janiw jumanakat khuyapayaskänti, ukampis jichhax khuyapayasxapxtamwa.

Apocalipsis 2:3

Jumax llamp'u chuyma kankañanïtawa, sutix laykusti jan qarjasisaw wal t'aqhisiraktaxa.