2 Corintios 11:2 - Qullan Arunaka DC

Jumanakat llakiskta uka llakisiñax Diosat juti. Nayasti jumanakar mä sapa chachampi jaqichasiñatakiw katuyapxsma, jupasti Cristowa, jupa nayraqatarusti q'uma jan chach uñt'ir mä tawaqurjamaw uñstayapxsma.

Aymar Bibliia 1986

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

Qullan Arunaca

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

2 Corintios 11:2 Jak'a apnaqawi uñst'ayäwi

Isaías 54:5

Jumar jakañ churir Tatituw jichhax warmipat uñt'asxätam; sutipasti taqi ch'amani Tatitu satawa. Qhispiyirimax Israelan Qullan Diosapawa, jupasti taqi aka uraqpachan Diosaparakiwa.

Ezequiel 44:22

Janirakiw mä ijma warmimpisa, chachampi jaljtat warmimpisa jaqichasiñapäkiti, jan ukasti Israelankir chacha jan uñt'ir tawaqumpiw jaqichasiñapa, jan ukax yaqha sacerdoten ijmapampisa.

Juan 3:29

Mä jaqichasïwinxa, jaqichasir tawaqumpi mayachasirix jaqichasir waynawa; jaqichasir waynan jila masipax, arsutap ist'asin wal kusisi. Uka pachparakiw nayax kusista.

Romanos 7:4

Munat jilatanaka, ukhamarakiw jumanakax Cristonkxasax jupamp chikaw kamachitakix jiwatäxapxta, khititix jiwatanak taypit jakatatawayki jupampi mayakïxañataki. Ukhamat jiwasanakax suma luräwinak Diosatak lursna.

1 Corintios 4:15

Jumanakax Cristor iyawsirjamax tunka waranqa yatichirinïsipkamsa, janiw walja awkinïpktati. Nayakiw jumanakan awkimätxa, nayaw jumanakarux Diosan suma yatiyäwi arunakap parlapxsma, uka tuqiw jumanakax Cristo Jesusamp mayakïpxtaxa.

2 Corintios 4:14

Diosan Jesucristo Tatitur jiwatat jaktayatap yatipxtanwa, ukhamarakiw jiwasarux Jesusamp chika jaktayistani, jumanakampi chikarakiw jupan nayraqataparux irpxistani.

Gálatas 4:11

Inas nayan lurataxax jumanak taypin inamayakïchi, uk amuyasax llakistwa.

Filipenses 1:8

Diosakiw yati kunjämtix nayax jumanakar Jesucriston munasiñapampi munasipksma uka.

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

1 Tesalonicenses 2:11

Sapa mayni jumanakar ch'amañchatanakaxsa, chuymachatanakaxsa yatipxaraktawa, kunjämtix mä awkix wawanakapampi lurki ukhama. Diosankirinakjam sarnaqapxañamatakiw iwxt'apxsma, jupaw qhapaq markapankañamatakix jawsapxtam.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.